පාර්ලිමේන්තු මන්ත්රීවරුන්ගේ විශ්රාම වැටුප් ඉවත් කිරීමේ පනත් කෙටුම්පත දෙවන වර කියවීමේ තීරණාත්මක විවාදය අද (17) පාර්ලිමේන්තුවේදී පැවැත්වීමට නියමිතය. කතානායකවරයාගේ ප්රධානත්වයෙන් පෙරවරු 9.30 ට සභාව රැස්වන අතර, අදාළ පනත් කෙටුම්පත පෙරවරු 11.30 සිට පස්වරු 5.00 දක්වා විවාදයට ගෙන සම්මත කිරීමට නියමිතව ඇත.
මෙම පනත් කෙටුම්පත පසුගිය ජනවාරි 07 වනදා අධිකරණ අමාත්යවරයා විසින් පාර්ලිමේන්තුවට ඉදිරිපත් කරන ලදී. පසුව ඊට එරෙහිව ඉදිරිපත් වූ පෙත්සම් සලකා බැලූ ශ්රේෂ්ඨාධිකරණය කතානායකවරයා වෙත දැනුම් දුන්නේ, මෙම කෙටුම්පත ආණ්ඩුක්රම ව්යවස්ථාවට අනුකූල වන බැවින් පාර්ලිමේන්තුවේ සරල බහුතරයකින් සම්මත කළ හැකි බවයි.
අද දින මෙම පනත් කෙටුම්පත සම්මත වීමත් සමඟ මෙරට පාර්ලිමේන්තු මන්ත්රීවරුන්ට මෙතෙක් හිමි වූ විශ්රාම වැටුප් වරප්රසාදය සම්පූර්ණයෙන්ම අහෝසි වී යනු ඇත. මෙය මෙරට දේශපාලන ඉතිහාසයේ සුවිශේෂී මෙන්ම ජනතාවගේ දැඩි අවධානයට ලක්වූ ප්රතිසංස්කරණයක් ලෙස සැලකේ.
