සිම්බාබ්වේ හිටපු ජනාධිපති රොබට් මුගාබේගේ බාල පුත්රයා වන 28 හැවිරිදි බෙල්ලර්මින් චතුන්ගා මුගාබේ (Bellarmine Chatunga Mugabe), දකුණු අප්රිකාවේ ජොහැන්නස්බර්ග් නුවරදී සිදුවූ වෙඩි තැබීමේ සිද්ධියක් සම්බන්ධයෙන් එර රට පොලිසිය විසින් අත්අඩංගුවට ගෙන තිබේ. ජොහැන්නස්බර්ග්හි හයිඩ් පාර්ක් (Hyde Park) නම් සුඛෝපභෝගී තදාසන්න ප්රදේශයක පිහිටි නිවසකදී මෙම වෙඩි තැබීම සිදුව ඇති අතර, ඉන් එම නිවසේ සේවය කළ 23 හැවිරිදි උයන්පල්ලෙකු බරපතල තුවාල ලබා රෝහල්ගත කර ඇත.
පොලිස් වාර්තා වලට අනුව, තුවාලකරුට එක් වෙඩි උණ්ඩයක් වැදී ඇති අතර ඔහුගේ තත්ත්වය අසාධ්ය බව පැවසේ. සිද්ධිය වූ ස්ථානය පරීක්ෂා කළ නිලධාරීන්ට හිස් උණ්ඩ කොපු කිහිපයක් හමු වුවද, වෙඩි තැබීමට යොදාගත් ගිනි අවිය මෙතෙක් සොයා ගැනීමට හැකි වී නැත. අත්අඩංගුවට ගත් මුගාබේ සහ තවත් පුද්ගලයෙකු පොලිසිය සමඟ සහයෝගයෙන් කටයුතු නොකරන බවත්, ගිනි අවිය සඟවා ඇති ස්ථානය හෙළි නොකරන බවත් පොලිස් මාධ්ය ප්රකාශක කර්නල් ඩිමකට්සෝ නෙවුහුල්වි සඳහන් කළේය.
මෙම සිද්ධිය සම්බන්ධයෙන් බෙල්ලර්මින් මුගාබේට එරෙහිව මිනීමැරීමට තැත් කිරීමේ චෝදනා එල්ල වීමට නියමිතය. ඔහු වසර 37 ක් සිම්බාබ්වේ පාලනය කළ රොබට් මුගාබේගේ සහ ග්රේස් මුගාබේගේ බාල පුත්රයා වන අතර, මීට පෙරද ඔහුගේ සොහොයුරා වූ රොබට් මුගාබේ (කනිෂ්ඨ) මත්ද්රව්ය ළඟ තබා ගැනීමේ චෝදනා මත අත්අඩංගුවට පත් විය. දකුණු අප්රිකානු පොලිසියේ කිමිදුම් කණ්ඩායම් සහ සුනඛ ඒකක යොදා ගනිමින් අතුරුදහන් වූ ගිනි අවිය සෙවීමේ මෙහෙයුම් මේ වන විටත් ක්රියාත්මක වේ.
