ශ්රී ලංකා වේග පන්දු පුරාවෘත්තයක් වන ලසිත් මාලිංග හට ශ්රී ලංකා ක්රිකට් ආයතනය විසින් පිරිනමා ඇති වේග පන්දු උපදේශක ධුරයේ කාලසීමාව තවදුරටත් දීර්ඝ කිරීමට තීරණය කර තිබේ. ඒ අනුව දැනට ක්රියාත්මක වන 2026 විස්සයි-20 ලෝක කුසලාන තරගාවලිය අවසන් වන තෙක් ඔහු එම ධුරයේ කටයුතු කරනු ඇත. මාලිංගගේ පලපුරුද්ද සහ විශේෂඥ දැනුම වර්තමාන ශ්රී ලංකා වේග පන්දු බලඇණිය ශක්තිමත් කිරීමට මෙන්ම ලෝක කුසලාන තරගාවලිය තුළ තීරණාත්මක බලපෑමක් ඇති කිරීමට ඉවහල් වනු ඇතැයි ක්රිකට් බලධාරීන් අපේක්ෂා කරයි.
විශේෂයෙන්ම තීරණාත්මක සුපිරි 8 අදියරේ තරග සඳහා ශ්රී ලංකා පන්දු යවන්නන් සූදානම් කිරීමේදී මාලිංගගේ උපදේශකත්වය ඉතා වැදගත් වේ. යෝකර් පන්දු යැවීමේ කලාව සහ තරගයේ පීඩනය කළමනාකරණය කරගන්නා ආකාරය පිළිබඳව ඔහු ලබා දෙන ප්රායෝගික පුහුණුව මෙරට තරුණ වේග පන්දු යවන්නන්ට මහත් අස්වැසිල්ලක් වී තිබේ. ශ්රී ලංකා ක්රිකට් ආයතනය ගත් මෙම තීරණය ක්රීඩාලෝලීන්ගේද නොමඳ පැසසුමට ලක්ව ඇත.
