සංවිධානාත්මක බලපෑම් හේතුවෙන් ඔක්ස්ෆර්ඩ් යූනියන් (Oxford Union) සහ කේම්බ්රිජ් යූනියන් (Cambridge Union) හි තමන්ට නියමිතව තිබූ දේශන අවලංගු වීම “දැඩි අවාසනාවන්ත තත්ත්වයක්” බව පාර්ලිමේන්තු මන්ත්රී නාමල් රාජපක්ෂ මහතා පවසයි. X (ට්විටර්) පණිවිඩයක් නිකුත් කරමින් ඔහු සඳහන් කළේ, නිදහස් මත විමසීම සහ විවෘත සංවාද සඳහා ප්රසිද්ධ මෙම විවාද සමිති ද්විත්වයේ සාකච්ඡාවලට සහභාගී වීමට තමන් බලාපොරොත්තුවෙන් සිටි බවයි. දෙමළ ශිෂ්ය කණ්ඩායම්වලින් එල්ල වූ විරෝධය සහ විරෝධතා හේතුවෙන් ඇති විය හැකි ආරක්ෂක ගැටලු සැලකිල්ලට ගෙන මෙම දේශන අවලංගු කිරීමට අදාළ ආයතන පියවර ගෙන තිබුණි.
විශ්වවිද්යාල සහ විවාද සංසද යනු එකඟ නොවන අදහස් පවා සාකච්ඡාවෙන් විසඳාගත යුතු ස්ථාන බවත්, බාධා කිරීම් වෙනුවට සංවාදයට ඉඩ දිය යුතු බවත් ඔහු සිය ප්රකාශයෙන් අවධාරණය කළේය. තමන්ගේ අදහස්වලට විරුද්ධ වන විවේචකයන් සමඟ වුවද සෘජුව සංවාදයේ යෙදීමට තමන් කැමැත්තෙන් සිටින බවත්, සංහිඳියාව සහ ප්රගතිය සඳහා විවෘත සංවාදය අත්යවශ්ය බවත් ඔහු වැඩිදුරටත් පැවසීය. කෙසේ වෙතත්, ඉදිරියේදී මෙවැනි සංවාදයක් සඳහා අවස්ථාවක් ලැබෙනු ඇතැයි තමන් බලාපොරොත්තු වන බවද මන්ත්රීවරයා සඳහන් කළේය.
