ධාවනයට නුසුදුසු සහ දෝෂ සහිත රථවාහන හඳුනාගැනීම සඳහා මධ්යම පළාත් ප්රවාහන දෙපාර්තමේන්තුව විසින් ක්රියාත්මක කරන විශේෂ මෙහෙයුම් මාලාවේ තවත් අදියරක් අද හැටන් නගරය කේන්ද්ර කරගනිමින් පැවැත්විණි. හැටන් නගරයට ඇතුළු වන සහ පිටවන රථවාහන ඉලක්ක කරගනිමින් සිදුකළ මෙම හදිසි පරීක්ෂාවේදී, නිසි ලෙස නඩත්තු නොකිරීම හේතුවෙන් විවිධ තාක්ෂණික දෝෂ සහිතව ධාවනය වූ වාහන 39ක් තාවකාලිකව ධාවනයෙන් ඉවත් කිරීමට නිලධාරීන් පියවර ගෙන තිබේ. මහජන ආරක්ෂාව තහවුරු කිරීම සහ මාර්ග අනතුරු අවම කිරීමේ අරමුණින් ක්රියාත්මක මෙම මෙහෙයුම් ඉදිරියටත් අඛණ්ඩව සිදුකරන බව බලධාරීන් අවධාරණය කරන අතර, තාවකාලිකව ධාවනයෙන් ඉවත් කළ වාහනවල දෝෂ නිවැරදි කිරීමෙන් අනතුරුව යළි ධාවනය සඳහා අවසර ලබා දෙනු ඇත.
