ජාතික ජන බලවේගය විසින් සංවිධානය කරනු ලබන “ගැහැනු අපි එක මිටට” ජාත්යන්තර කාන්තා දින සැමරුම එළඹෙන මාර්තු 08 වනදා ජනාධිපති අනුර කුමාර දිසානායක මහතාගේ ප්රධානත්වයෙන් පැවැත්වීමට සියලු කටයුතු සූදානම් කර තිබේ. කොළඹ පී.ඩී. සිරිසේන ක්රීඩාංගණයේදී පැවැත්වෙන මෙම සැමරුම් උළෙල සඳහා අග්රාමාත්ය ආචාර්ය හරිනි අමරසූරිය මහත්මිය සහ කාන්තා හා ළමා කටයුතු අමාත්ය සරෝජා සාවිත්රි පෝල්රාජ් මහත්මිය ද සහභාගී වීමට නියමිතය. කාන්තා අභිමානය සහ අයිතිවාසිකම් වෙනුවෙන් සංවිධානය වන මෙම ජාතික මට්ටමේ උළෙල සාර්ථක කර ගැනීම සඳහා මේ වන විටත් සංවිධාන කටයුතු අවසන් අදියරේ පවතින බව සංවිධායක මණ්ඩලය පවසයි.
