මැදපෙරදිග පවතින යුදමය වාතාවරණය ඉතා ඉක්මනින් අවසන් වනු ඇති බවට අමෙරිකානු ජනාධිපති ඩොනල්ඩ් ට්රම්ප් සිදුකළ ප්රකාශයට ඉරානයෙන් දැඩි ප්රතිචාරයක් එල්ල වී තිබේ. ඉරාන රජය අවධාරණය කරන්නේ යුද්ධය අවසන් කරන්නේද නැද්ද යන්න තීරණය කරන්නේ තමන් මිස අමෙරිකාව නොවන බවයි.
අමෙරිකානු සහ ඊශ්රායල ඉලක්ක වෙත එල්ල කරන මිලිටරි ක්රියාමාර්ග නතර කරන දිනය තීරණය කිරීමේ පරම අයිතිය තමන් සතු බව පවසන ඉරානය, කලාපයේ අනාගතය දැන් ටෙහෙරානයේ හමුදාවන් සතු බව ද සඳහන් කර ඇත. විශේෂයෙන්ම ඉරාන ඉස්ලාමීය විප්ලවවාදී ආරක්ෂක බලකාය (IRGC) පවසන්නේ තමන්ගේ හමුදා ශක්තිය හමුවේ කලාපීය තීරණ ගැනීමේ බලය දැන් පවතින්නේ තමන් සතු බවයි.
පසුගියදා මාධ්යවේදියෙකු නැගූ ප්රශ්නයකට පිළිතුරු දෙමින් ජනාධිපති ට්රම්ප් පවසා සිටියේ මෙම සතියේ නොවූවත් ඉතා ඉක්මනින් යුද්ධය අවසන් වනු ඇති බවයි. එහිදී ඔහු වැඩිදුරටත් අනතුරු ඇඟවූයේ ඉරානය විසින් ලෝක තෙල් සැපයුමට බාධා කළහොත් සටන් තවදුරටත් උත්සන්න වනු ඇති බවයි. කෙසේ වෙතත්, නව දැඩි මතධාරී උත්තරීතර නායකයෙකු යටතේ සිටින ඉරානය මෙම ප්රකාශය සම්පූර්ණයෙන් ප්රතික්ෂේප කරමින් මෙලෙස ප්රතිචාර දක්වා තිබේ.
මෙම රාජ්යතාන්ත්රික ගැටුම් මැද ලෝක වෙළෙඳපොළේ තෙල් මිල යම් උච්චාවචනයකට ලක්ව ඇති අතර, ප්රංශය ඇතුළු G7 රටවල් ද හෝර්මුස් සමුද්ර සන්ධියේ ආරක්ෂාව සම්බන්ධයෙන් දැඩි අවධානයෙන් පසුවේ.
