ගෝලීය ගෙවීම් විසඳුම් ක්ෂේත්රයේ ප්රමුඛයෙකු වන BPC ආයතනය, “LankaPay Technnovation Awards 2026” සම්මාන උළෙලේ උපායමාර්ගික හවුල්කරුවෙකු ලෙස එක්වී තිබේ. මෙරට මූල්ය තාක්ෂණික ක්ෂේත්රයේ නවෝත්පාදකයින් ඇගයීම සඳහා පවත්වනු ලබන මෙම සම්මාන උළෙල එළඹෙන මාර්තු 24 වනදා කොළඹ Cinnamon Life හිදී පැවැත්වීමට නියමිතය.
මෙවර සම්මාන උළෙල “Inclusive FinTech” හෙවත් “සර්වජන මූල්ය තාක්ෂණය” යන තේමාව යටතේ පැවැත්වෙන අතර එහි ප්රධාන අමුත්තා ලෙස ශ්රී ලංකා මහ බැංකුවේ අධිපති ආචාර්ය නන්දලාල් වීරසිංහ මහතා සහභාගී වීමට නියමිතය. ඩිජිටල් මූල්ය සේවා හරහා මූල්ය ප්රවේශය පුළුල් කිරීම, කාර්යක්ෂමතාව ඉහළ නැංවීම සහ ඩිජිටල් ආර්ථිකයට වැඩි පිරිසකගේ දායකත්වය ලබා ගැනීම මෙහි ප්රධාන අරමුණයි.
LankaPay ප්රධාන විධායක නිලධාරී චන්න ද සිල්වා මහතා පවසා සිටියේ, මූල්ය සේවාවන් සියල්ලන්ටම දැරිය හැකි මට්ටමින් ලබාදීමේ දැක්ම සාක්ෂාත් කර ගැනීම සඳහා BPC සමඟ ඇති කරගත් මෙම හවුල්කාරිත්වය ඉතා වැදගත් වන බවයි. රටවල් 150කට අධික සංඛ්යාවක සේවා සපයන BPC ආයතනය, බැංකු සහ අනෙකුත් මූල්ය ආයතන සඳහා ආරක්ෂිත සහ නවීන ඩිජිටල් ගෙවීම් පද්ධති සකස් කිරීමේ වසර 30ක අත්දැකීම් සහිත ගෝලීය සමාගමකි.
BPC ශ්රී ලංකා, බංග්ලාදේශ සහ මාලදිවයින් දේශීය අධ්යක්ෂ සුබාෂ් චන්ද්ර බෝස් මහතා ප්රකාශ කළේ, මූල්ය තාක්ෂණය සෑම ප්රජාවකටම ආර්ථික සුභසාධනය ගෙන දෙන බලවේගයක් විය යුතු බවත්, ලංකාවේ ඩිජිටල් ගෙවීම් ක්ෂේත්රයේ පුරෝගාමියා වන LankaPay සමඟ එක්වීමට ලැබීම ආඩම්බරයක් බවත්ය.
