2019 පාස්කු ඉරිදා බෝම්බ ප්රහාරය එල්ල වන අවස්ථාවේ හිටපු බුද්ධි අංශ ප්රධානී සුරේෂ් සලෙයි මහතා ශ්රී ලංකාවේ රැඳී නොසිටි බවත්, එම අවස්ථාවේ ඔහු බුද්ධි අංශ ප්රධානියා ලෙස කටයුතු නොකළ බවත් නීතීඥ සංජීව සමරවික්රම මහතා පවසයි. කොළඹදී පැවති මාධ්ය හමුවකට එක්වෙමින් ඔහු මේ බව සඳහන් කළේය.
නීතීඥවරයා පෙන්වා දෙන්නේ සුරේෂ් සලෙයි මහතා 2016 වසරේදී මෙරටින් පිටත්ව ගොස් ඇති අතර, ඔහු යළි දිවයිනට පැමිණ ඇත්තේ 2018 වසරේ දෙසැම්බර් මාසයේදී බවයි. එසේම 2019 වසරේ ජනවාරි මාසයේ සිට නොවැම්බර් මාසය දක්වා කාලය තුළ ඔහු ඉන්දියාවේ ආරක්ෂක සේවා මාණ්ඩලික විද්යාලයේ (Defence Services Staff College) හමුදා පුහුණුවක් ලබමින් සිටි බව ද නීතීඥ සමරවික්රම මහතා වැඩිදුරටත් අනාවරණය කළේය.
ගෝඨාභය රාජපක්ෂ මහතා ජනාධිපති ධුරයට පත්වීමෙන් පසුව සුරේෂ් සලෙයි මහතා මෙරට රාජ්ය බුද්ධි සේවයේ ප්රධානියා ලෙස පත් කර ඇති අතර, එම පත්වීම සිදුව ඇත්තේ පාස්කු ප්රහාරය එල්ල වී මාස කිහිපයකට පසුව බව ද එහිදී අවධාරණය කෙරිණි. මේ අනුව ප්රහාරය සිදුවන අවස්ථාවේ ඔහු බුද්ධි අංශ මෙහෙයවූ බවට එල්ල වන චෝදනා පදනම් විරහිත බව නීතීඥවරයාගේ අදහසයි.
