ප්රකට ඇමෙරිකානු ගොල්ෆ් ක්රීඩක ටයිගර් වුඩ්ස් (Tiger Woods) විසින් පසුගිය මාර්තු මාසයේදී ෆ්ලොරිඩා හිදී සිදු වූ රිය අනතුරකට අදාළව අධිකරණය හමුවේ ඇති කරගත් එකඟතාවක් මත, මත්පැන් පානය කර රිය පැදවීමේ මුල් චෝදනාව වෙනුවට අවදානම් ලෙස රිය පැදවීමේ (Reckless driving) චෝදනාව පිළිගෙන තිබේ.
ෆ්ලොරිඩාහි මාටින් ප්රාන්තයේ අධිකරණයක් හමුවේ ඇති කරගත් මෙම එකඟතාව යටතේ ටයිගර් වුඩ්ස්ට ඇමෙරිකානු ඩොලර් 1,000ක දඩයක් නියම වී ඇති අතර, ඔහුගේ රියැදුරු බලපත්රය වසර පහක (5) කාලයකට අත්හිටුවීමට නියෝග කර ඇත. අනතුරින් පසු වුඩ්ස් මත්පැන් පරීක්ෂාවෙන් (Breathalyser) සමත් වුවද, වෙනත් මත්ද්රව්ය පිළිබඳ වැඩිදුර පරීක්ෂණ සපයා දීම ප්රතික්ෂේප කර තිබිණි. කිසිවෙකුටත් හානියක් නොවූ මෙම සිදුවීමෙන් පසු ඔහු ප්රතිකාර ලබා ගැනීම සඳහා යම් කාලයකට ක්රීඩාවෙන් ඉවත් වන බව ප්රකාශ කළ අතර, මෙය මත්පැන් හෝ ඖෂධ බලපෑම යටතේ රිය පැදවීම සම්බන්ධයෙන් ඔහු අත්අඩංගුවට පත් වූ දෙවන අවස්ථාවයි.
