ඇමෙරිකාවේ මිචිගන් ප්රාන්තයේ වෙස්ට් බ්ලූම්ෆීල්ඩ් (West Bloomfield) හි පිහිටි Temple Israel සිනගෝගය වෙත මෝටර් රථයකින් කඩා වැදී වෙඩි තැබීමක් සිදුකළ අවස්ථාවේ වීඩියෝ දර්ශන කිහිපයක් මේ වන විට සමාජ මාධ්ය ඔස්සේ ප්රසිද්ධ වී තිබේ. ඊයේ (මාර්තු 12) පස්වරුවේ සිදුවූ මෙම බියකරු සිදුවීමෙන් පසු, සිනගෝගය තුළින් කළු පැහැති දුමාරයක් පිටවන අයුරු සහ පොලිස් රථ විශාල ප්රමාණයක් එම ස්ථානය වටකර සිටින අයුරු එම දර්ශනවල දැක්වේ.
පොලිස් වාර්තා පවසන්නේ පුපුරණ ද්රව්ය පිරවූ ට්රක් රථයක් සිනගෝගයේ දොරටු බිඳගෙන ඇතුළට ධාවනය කර ඇති බවයි. රථය ඇතුළතදී ගිනිගෙන ඇති අතර, එහි සිටි සන්නද්ධ සැකකරු ආරක්ෂක අංශ එල්ල කළ වෙඩි ප්රහාරවලින් මියගොස් ඇත. ප්රහාරය සිදුවන අවස්ථාවේ සිනගෝගය තුළ ළමුන් 140 දෙනෙකු සහ කාර්ය මණ්ඩලය රැඳී සිටි නමුත්, ඔවුන් කිසිවෙකුටත් හානියක් සිදුව නොමැති අතර ඔවුන් ආරක්ෂිතව ඉවත් කිරීමට ආරක්ෂක අංශ සමත් විය.
කෙසේ වෙතත්, සැකකරුගේ රථයට යට වූ එක් ආරක්ෂක නිලධාරියෙකු තුවාල ලබා රෝහල්ගත කර ඇති අතර තවත් නිලධාරීන් 30 දෙනෙකු පමණ දුමාරය ආග්රහණය වීම නිසා ප්රතිකාර ලබා ඇත. එෆ්.බී.අයි. (FBI) ආයතනය සහ මිචිගන් ප්රාන්ත පොලිසිය එක්ව මෙම “සැලසුම් සහගත ප්රහාරය” පිළිබඳ වැඩිදුර විමර්ශන සිදුකරන අතර, ප්රදේශයේ ආරක්ෂාව තවදුරටත් දැඩි කර ඇත.
