කෙන්යාවේ නයිරෝබි ජාත්යන්තර ගුවන් තොටුපළ හරහා “කුහුඹු රැජිනියන්” (Queen Ants) 2,000කට අධික සංඛ්යාවක් නීතිවිරෝධී ලෙස රටින් පිට කිරීමට උත්සාහ කළ චීන ජාතිකයෙකු එරට ආරක්ෂක අංශ විසින් අත්අඩංගුවට ගෙන තිබේ. මෙම සත්ත්ව තොගය ජාත්යන්තර ජෛව විවිධත්ව ගිවිසුම් උල්ලංඝනය කරමින් ප්රවාහනය කිරීමට උත්සාහ කර ඇති බව විමර්ශකයෝ පවසති.
අත්අඩංගුවට ගත් පුද්ගලයා පසුගිය වසරේදී අනාවරණය කරගත් මහා පරිමාණ කුහුඹු ජාවාරම් ජාලයක සාමාජිකයෙකු බවට සැක කෙරේ. කුහුඹුවන් යනු පරිසර පද්ධතියක සමතුලිතතාව රැකීමට අතිශය වැදගත් සත්ත්ව කොට්ඨාසයක් වන බැවින් ඔවුන්ගේ වෙළඳාම ජාත්යන්තර නීතිය මගින් දැඩි ලෙස පාලනය කර ඇත. ජෛව කොල්ලකෑම් (Biopiracy) වැළැක්වීම සඳහා අප්රිකානු කලාපීය රටවල් මේ වන විට දැඩි පරීක්ෂණ ක්රියාත්මක කරමින් සිටී.
