රට තුළ වර්ධනය වෙමින් පවතින මත්ද්රව්ය උවදුර මැඩලීම ජාතික ප්රමුඛතාවක් ලෙස සලකා කටයුතු කළ යුතු බවත්, එහි ප්රතිඵල බිම් මට්ටමින් ජනතාවට දැනිය යුතු බවත් අග්රාමාත්ය හරිනී අමරසූරිය මහත්මිය අවධාරණය කරයි. 2026-2030 කාලසීමාව සඳහා මත්ද්රව්ය භාවිත කරන්නන් කළමනාකරණය, ප්රතිකාර කිරීම සහ පුනරුත්ථාපනය කිරීමේ ජාතික මූලෝපායික සැලැස්ම පිළිබඳව අරලියගහ මන්දිරයේදී පැවැති සාකච්ඡාවකදී ඇය මේ බව ප්රකාශ කළාය.
මත්ද්රව්ය ගැටලුව පවුල් සංස්ථාවේ සහ සමාජයේ ස්ථාවරත්වයට තර්ජනයක් වන බරපතල සමාජ අර්බුදයක් බවට පත්ව ඇති බව පෙන්වා දුන් අග්රාමාත්යවරිය, නීතිය ක්රියාත්මක කිරීම මෙන්ම පුනරුත්ථාපනය සඳහා ද සමාන ප්රමුඛතාවක් ලබා දිය යුතු බව සඳහන් කළාය. සෞඛ්ය අමාත්යාංශය ඇතුළු අදාළ ආයතන එක්ව සකස් කළ මෙම සැලැස්ම මගින් මත්ද්රව්යවලට ඇබ්බැහි වූවන් හඳුනාගැනීම, රෝහල් මට්ටමින් ප්රතිකාර ලබා දීම සහ ඔවුන් නැවත සමාජගත කිරීමේ වැඩපිළිවෙළ ශක්තිමත් කිරීමට නියමිතය. විශේෂයෙන්ම දරුවන්, ගර්භණී මවුවරුන් සහ බන්ධනාගාර රැඳවියන් වැනි අවදානම් කණ්ඩායම් කෙරෙහි මෙහිදී වැඩි අවධානයක් යොමු කර ඇති අතර, ජනතාව දැනුවත් කිරීමේදී මාධ්ය සතු වගකීම ද ඇය මෙහිදී සිහිපත් කළාය.
