අයගම පොලිස් වසමට අයත් දූල්ගල ප්රදේශයේදී තියුණු ආයුධයකින් පහර දී සිදු කළ බරපතල කැපුම් තුවාල සහිතව වැටී සිටි කාන්තාවක රෝහල්ගත කිරීමෙන් පසු මියගොස් ඇතැයි පොලිස් මූලස්ථානය පවසයි. මෙම ඝාතනය ඊයේ (13) උදෑසන කාලයේදී සිදුව ඇති අතර, නිවසක් ඉදිරිපිට ගෙල ප්රදේශයට සිදුකළ පහරදීමකින් ඇය මියගොස් ඇති බව අනාවරණය වී තිබේ. ඝාතනයට ලක්ව ඇත්තේ එම ප්රදේශයේම පදිංචිව සිටි 49 හැවිරිදි කාන්තාවකි.
පොලිස් නිලධාරීන් විසින් ඇයව වහාම අයගම රෝහලට ඇතුළත් කිරීමට පියවර ගත්තද, ඒ වන විටත් ඇය මියගොස් සිටි බව රෝහල් ආරංචි මාර්ග තහවුරු කරයි. මෙම ඝාතනයට හේතුව හෝ ඊට සම්බන්ධ සැකකරුවන් පිළිබඳව මෙතෙක් කිසිදු තොරතුරක් අනාවරණය වී නොමැති අතර, අපරාධකරුවන් අත්අඩංගුවට ගැනීම සඳහා අයගම පොලිසිය මගින් විශේෂ විමර්ශනයක් ආරම්භ කර ඇත. මියගිය කාන්තාවගේ දේහය පිළිබඳ පශ්චාත් මරණ පරීක්ෂණය ඉදිරියේදී පැවැත්වීමට නියමිතය.
