ආදරණීයයෙකුගේ අභාවයෙන් පසු ඔවුන්ගේ බදු කටයුතු කළමනාකරණය කිරීම සංකීර්ණ විය හැකි වුවද, මියගිය පුද්ගලයෙකුට හිමි විය යුතු බදු ප්රතිලාභ (Tax Refund) ලබා ගැනීමට අවස්ථාව පවතින බව ඇමරිකානු අභ්යන්තර ආදායම් සේවය (IRS) පවසයි. ඒ සඳහා අනුගමනය කළ යුතු විශේෂිත නීති සහ රෙගුලාසි කිහිපයක් පවතී.
IRS ආයතනයට අනුව, යම් පුද්ගලයෙකු බදු වර්ෂය තුළ මියගියහොත් ඔවුන් වෙනුවෙන් අවසන් පුද්ගලික ආදායම් බදු වාර්තාවක් (Final tax return) ඉදිරිපත් කළ යුතුය. එහි මියගිය දිනය දක්වා උපයා ඇති සියලුම ආදායම්, හිමිවිය යුතු බදු සහන සහ අඩු කිරීම් ඇතුළත් විය යුතුය. යම් හෙයකින් එම වාර්තාවට අනුව රජයෙන් බදු මුදලක් ආපසු ගෙවීමට (Refund) තිබේ නම්, සාමාන්යයෙන් එම මුදල හිමි වන්නේ මියගිය පුද්ගලයා සමඟ ඒකාබද්ධ බදු වාර්තාවක් ඉදිරිපත් කළ ජීවත්ව සිටින සහකරුට හෝ සහකාරියටය.
අදාළ ප්රතිලාභ ලබා ගැනීම සඳහා ජීවත්ව සිටින සහකරු හෝ නීත්යානුකූල උරුමක්කාරයා විසින් මියගිය තැනැත්තා වෙනුවෙන් අදාළ ලේඛන නිසි පරිදි සම්පූර්ණ කළ යුතුය. බදු ප්රතිලාභ හිමිවීමේ ක්රියාවලිය පුද්ගලයාගේ නීතිමය තත්ත්වය සහ උරුමයන් මත තීරණය වන බව IRS ආයතනය වැඩිදුරටත් අවධාරණය කරයි.
