ඩොනල්ඩ් ට්රම්ප් පරිපාලනයේ දේශීය හා විදේශීය ප්රතිපත්තිවලට එරෙහිව සංවිධානය කරනු ලබන ‘No Kings’ විරෝධතා මාලාව එළඹෙන මාර්තු 28 වනදා ඇමරිකා එක්සත් ජනපදය පුරා පැවැත්වීමට කටයුතු සූදානම් කර තිබේ. ඇමරිකාවේ විවිධ නගර මට්ටමින් සම්බන්ධීකරණය කරන ලද විරෝධතා වැඩසටහන් 1,000කට අධික සංඛ්යාවක් මේ වන විටත් ලියාපදිංචි කර ඇති බව සංවිධායකයෝ පවසති.
මීට පෙර 2025 වසරේදී ද මෙම මැයෙන් දැවැන්ත උද්ඝෝෂණ මාලාවක් පැවැත්වුණු අතර, මෙවර ද මිලියන සංඛ්යාත ජනතාවක් මීට සහභාගී වනු ඇතැයි අපේක්ෂා කෙරේ. විශේෂයෙන්ම මැන්හැටන් ඇතුළු ප්රධාන නගර රැසක මෙම විරෝධතා මාලාව ක්රියාත්මක වීමට නියමිතය. විරෝධතාකරුවන් පෙන්වා දෙන්නේ වත්මන් පාලනය යටතේ ක්රියාත්මක වන ඇතැම් අත්තනෝමතික තීරණවලට එරෙහිව ජනතා හඬ අවදි කිරීම මෙහි ප්රධාන අරමුණ බවයි.
