ලෝක වෙළඳපොළේ තෙල් මිල 20%ක් වැනි ඉහළ අගයකින් එක්වරම ඉහළ යාම ආයෝජකයන් තැතිගන්වන සුළු කරුණක් වුවද, ඓතිහාසික දත්තයන්ට අනුව එවැනි අවස්ථාවලදී කොටස් වෙළඳපොළ (Stocks) මිලදී ගැනීම වඩාත් ලාභදායී වන බව @KobeissiLetter වාර්තාවක් මගින් පෙන්වා දෙයි. ඉතිහාසය පරීක්ෂා කිරීමේදී, තෙල් මිල මෙලෙස ශීඝ්රයෙන් ඉහළ ගිය අවස්ථාවලින් පසු ගතවන වසරක කාලය තුළ ඇමරිකානු S&P 500 දර්ශකය සාමාන්යයෙන් 24%ක වර්ධනයක් වාර්තා කර තිබීම විශේෂත්වයකි.
පසුගිය කාල පරිච්ඡේද 7ක් සලකා බැලීමේදී, ඉන් අවස්ථා 6කදීම කොටස් වෙළඳපොළ ජයග්රාහී ලෙස වර්ධනය වී ඇති අතර, පසුබෑමක් වාර්තා වී ඇත්තේ 2008 වසරේ ලෝක ආර්ථික අර්බුදය පැවති සමයේදී පමණි. මේ නිසා වර්තමාන හෝමුස් සමුද්ර සන්ධියේ අර්බුදය හමුවේ තෙල් මිල ඉහළ ගියද, බුද්ධිමත් ආයෝජකයන් කලබල නොවී (Panicking), වෙළඳපොළේ පවතින මෙම තාවකාලික පසුබෑමෙන් (Dip) උපරිම ප්රයෝජන ගනිමින් කොටස් මිලදී ගැනීමට පෙළඹී සිටිති.
මැදපෙරදිග යුද වාතාවරණය හමුවේ ඉන්ධන මිල ඉහළ යාම පාරිභෝගිකයාට දැඩි පීඩනයක් වුවද, ආයෝජන ක්ෂේත්රය තුළ මෙය දිගුකාලීන වාසි සහගත තත්ත්වයක් නිර්මාණය කළ හැකි බව ආර්ථික විශේෂඥයෝ පෙන්වා දෙති. ලෝක තෙල් සිතියම ගිනිබත් වෙද්දී පවා කොටස් වෙළඳපොළ මෙලෙස ඔරොත්තු දීම, ගෝලීය මූල්ය පද්ධතියේ ශක්තිමත් බව විදහා දක්වන තවත් එක් සාධකයකි.
– තොරතුරු උපුටා ගැනීම:
@KobeissiLetter සහ Bloomberg ආර්ථික වාර්තා ඇසුරින්.
