සම්පත් බැංකුවේ ප්රධානතම අනුබද්ධ ආයතනයක් වන සියපත් ෆිනෑන්ස් පී.එල්.සී (Siyapatha Finance PLC) සමාගම සිය නවතම ණයකර නිකුතුව හරහා රුපියල් බිලියන 3.75ක උපරිම අරමුදලක් සපයා ගැනීමට තීරණය කර තිබේ. මෙමඟින් ශ්රී ලංකාවේ මූල්ය ඇතුළත් කිරීම් සහ ආර්ථික වර්ධනය සඳහා සමාගම දක්වන කැපවීම යළි තහවුරු වන බව එහි ප්රධාන විධායක නිලධාරී මතිෂ හේවාවිතාරණ මහතා ප්රකාශ කර ඇත.
මෙම ණයකර නිකුතුවේ මූලික අදියර රුපියල් බිලියන 2ක් වන අතර, ඉල්ලුම මත එය තවත් රුපියල් බිලියන 1.75කින් ඉහළ නැංවීමේ හැකියාව පවතී. වසර පහක කාලසීමාවක් සහිත මෙම ණයකර සඳහා වාර්ෂිකව 11.50%ක ස්ථාවර පොලී අනුපාතයක් හිමිවේ. මේ සඳහා වන අයදුම්පත් භාරගැනීම 2026 මාර්තු 20 වනදා ආරම්භ වීමට නියමිතය.
මෙම නිකුතුව හරහා රැස්කර ගන්නා අරමුදල් සමාගමේ ණය කළඹ පුළුල් කිරීම සඳහා යොදා ගැනීමට සැලසුම් කර ඇති අතර, එය තිරසාර වර්ධනයක් කරා යන සමාගමේ දීර්ඝකාලීන දැක්මට අනුකූල වේ. ෆිච් රේටින්ග්ස් (Fitch Ratings) ආයතනය විසින් මෙම ණයකර සඳහා ‘BBB+(lka)’ යන ජාතික මට්ටමේ ශ්රේණිගත කිරීමක් ලබා දී තිබේ. කොළඹ කොටස් වෙළෙඳපොළේ ලැයිස්තුගත සමාගමක් වන සියපත් ෆිනෑන්ස් ආයතනය ලීසිං, රන් ණය සහ සාමාන්ය ණය ඇතුළු මූල්ය සේවාවන් රැසක් සපයනු ලබයි.
