ශ්රී ලාංකේය ජනතාවගේ හදවත් දිනාගත් සන්නාම සහ සුවිශේෂී පුද්ගලයින් ඇගයීමට ලක් කෙරෙන “SLIM-KANTAR People’s Awards 2026” සම්මාන උළෙල අද (මාර්තු 17) රාත්රියේ මොනාක් ඉම්පීරියල් (Monarch Imperial) පරිශ්රයේදී අති උත්කර්ෂවත් අයුරින් පැවැත්වීමට නියමිතය. ව්යාපාරික නායකයින්, අලෙවිකරණ ක්ෂේත්රයේ ප්රමුඛයින් සහ කලාකරුවන් රැසකගේ සහභාගීත්වයෙන් පැවැත්වෙන මෙම උළෙල අද පස්වරු 6.00 ට ආරම්භ වනු ඇත.
මෙම සම්මාන උළෙල අනෙකුත් සම්මාන උළෙලවලින් වෙනස් වන්නේ එහි ජයග්රාහකයින් තීරණය කරනු ලබන්නේ විනිශ්චය මණ්ඩලයක් විසින් නොව, සමස්ත දිවයිනම ආවරණය වන පරිදි සිදුකරන විද්යාත්මක ජනමත විමසුමක ප්රතිඵල මත ජනතාවගේ හඬින්ම වීම නිසාය. ශ්රී ලංකා අලෙවිකරණ ආයතනය (SLIM) සහ ලොව ප්රමුඛතම දත්ත සහ පර්යේෂණ ආයතනයක් වන KANTAR ආයතනය එක්ව මෙහෙයවන මෙම සම්මාන උළෙල මෙරට අලෙවිකරණ ක්ෂේත්රයේ වඩාත් අපේක්ෂිත සහ ගෞරවනීය උළෙලක් ලෙස සැලකේ.
ශ්රී ලංකා අලෙවිකරණ ආයතනයේ සභාපති මහාචාර්ය දේවසිරි එන්. ජයන්ත මහතා ප්රකාශ කළේ මෙම වේදිකාව ජනතාව සමඟ අර්ථවත් සබඳතා ගොඩනඟා ගත් සන්නාම සහ පුද්ගලයින්ගේ සැබෑ කැඩපතක් වන බවයි. KANTAR ශ්රී ලංකා ප්රධානී හිමාලි මදුරසිංහ මහත්මිය පෙන්වා දුන්නේ වෙළඳපල කොටසකට වඩා ඔබ්බට ගොස් ජනතාවගේ විශ්වාසය, පක්ෂපාතීත්වය සහ ආදරය දිනා ගැනීම ඕනෑම සන්නාමයක සැබෑ සාර්ථකත්වය වන බවයි. ස්ථාපිත ප්රමුඛ පෙළේ සන්නාම මෙන්ම නැගී එන නවක සන්නාම සහ කලාකරුවන් රැසක් මෙහිදී විවිධ අංශ යටතේ සම්මානයට පාත්ර වීමට නියමිතය.
