දිට්වා සුළි කුණාටුවෙන් හානි වූ පාලමක් ප්රතිසංස්කරණය කිරීම සඳහා රුපියල් මිලියන 7.8ක ප්රදානයක් ලබාදීමට ජපාන රජය පියවර ගෙන තිබේ. දිමුතු ප්රජා සංවර්ධන සංගමය මගින් ක්රියාත්මක කරනු ලබන මෙම පාලම් ව්යාපෘතිය සඳහා වන ගිවිසුමට අත්සන් තැබීම ශ්රී ලංකාවේ ජපාන තානාපති අකිඕ ඉසොමතා මහතාගේ ප්රධානත්වයෙන් අද (17) සිදු කෙරුණි. “බිම් මට්ටමේ මානව ආරක්ෂක ව්යාපෘති සඳහා ආධාර ප්රදාන යෝජනා ක්රමය” (GGP) යටතේ ජපානය මෙම මූල්ය පරිත්යාගය සිදු කර ඇති අතර, 1989 වසරේ සිට මේ දක්වා මෙම ක්රමය යටතේ ජපානය ශ්රී ලංකාවට ලබා දී ඇති මුළු ආධාර ප්රමාණය ඇමරිකානු ඩොලර් මිලියන 62ක් පමණ වේ.
මෙම අවස්ථාවට දිමුතු ප්රජා සංවර්ධන සංගමයේ සභාපති පූජ්ය නාගොල්ලේ නන්දරතන ස්වාමීන්වහන්සේ ඇතුළු පිරිසක් සහභාගී වී සිටි අතර, මෙම ව්යාපෘතිය හරහා ප්රදේශයේ ජනතාවට නැවතත් ආරක්ෂිතව ගමනාගමන පහසුකම් සලසා ගැනීමට අවස්ථාව හිමි වනු ඇත. මැදපෙරදිග අර්බුදය හමුවේ ලෝක වෙළඳපොළේ බොරතෙල් මිල ඉහළ ගොස් ඇති පසුබිමක මෙවැනි යටිතල පහසුකම් සංවර්ධන ව්යාපෘති සඳහා ජාත්යන්තර සහය ලැබීම ඉතා වැදගත් වේ.
