ශ්රී ලංකාවේ ප්රමුඛතම ඇස් කණ්ණාඩි සහ ශ්රවණ විසඳුම් සපයන්නා වන විෂන් කෙයාර් (Vision Care) ආයතනය, 13 වන වරටත් කොළඹ විලාසිතා සතියේ (Colombo Fashion Week – CFW) නිල ඇස් කණ්ණාඩි සහකරු ලෙස සිය සහයෝගීතාව ප්රකාශ කර තිබේ. මෙවර කොළඹ විලාසිතා සතියේ ගිම්හාන සංස්කරණය (Summer Edition) එළඹෙන අප්රේල් 1 වනදා සිට 4 වනදා දක්වා “සිටි ඔෆ් ඩ්රීම්ස්” (City of Dreams) පරිශ්රයේදී පැවැත්වීමට නියමිත අතර එය මෙරට විලාසිතා ක්ෂේත්රයේ ප්රමුඛතම නිර්මාණකරුවන් සහ දක්ෂතා එක්තැන් කරන සුවිශේෂී අවස්ථාවක් වනු ඇත.
වසර 23 ක අභිමානවත් ඉතිහාසයක් ඇති කොළඹ විලාසිතා සතිය දකුණු ආසියාවේ දීර්ඝතම කාලයක් පවතින විලාසිතා වේදිකාවක් වන අතර එය දේශීය නිර්මාණකරුවන් ජාත්යන්තර වෙළඳපල සමඟ සම්බන්ධ කිරීමට විශාල මෙහෙවරක් ඉටු කරයි. මෙවර සංස්කරණය සඳහා ඉන්දියාව, පකිස්ථානය, බංග්ලාදේශය, දකුණු අප්රිකාව, චීනය සහ රුසියාව යන රටවල නිර්මාණකරුවන් ඇතුළු 30 කට අධික පිරිසක් සහභාගී වීමට නියමිතය. විෂන් කෙයාර් ආයතනය මෙහිදී ලොව සුප්රසිද්ධ පර්සෝල් (Persol) සහ මයිකල් කෝර්ස් (Michael Kors) යන සන්නාමයන් කෙරෙහි විශේෂ අවධානයක් යොමු කරන අතරම නිර්මාණකරුවන්ට ඔවුන්ගේ විලාසිතා සමඟ ගැලපෙන ඕනෑම සුඛෝපභෝගී ඇස් කණ්ණාඩි මාදිලියක් තෝරා ගැනීමට ද අවස්ථාව සලසා දී ඇත.
විෂන් කෙයාර් සාමාන්යාධිකාරී හර්ෂ මදුරංග මහතා ප්රකාශ කළේ ඇස් කණ්ණාඩි දැන් හුදෙක් අවශ්යතාවයක් පමණක් නොව විලාසිතා ලෝකයේ ප්රබල අංගයක් බවට පත්ව ඇති බවයි. කොළඹ විලාසිතා සතියේ නිර්මාතෘ අජයි විර් සිං මහතා ද විෂන් කෙයාර් ආයතනය වසර 13 ක් පුරා ලබා දෙන අඛණ්ඩ සහයෝගය අගය කරමින් පවසා සිටියේ මෙම හවුල්කාරිත්වය දේශීය විලාසිතා ක්ෂේත්රයේ උන්නතියට විශාල ශක්තියක් වන බවයි. දිවයින පුරා ශාඛා 80 කට අධික ප්රමාණයක් පවත්වාගෙන යන විෂන් කෙයාර් ආයතනය, ජාත්යන්තර විලාසිතා ප්රවණතා මෙරට පාරිභෝගිකයින් වෙත සමීප කිරීමට නිරන්තරයෙන් කැපවී සිටියි.
