අමාත්ය සමන්ත විද්යාරත්න මහතා සහ ස්වාධීන රූපවාහිනී සේවය (ITN) විසින් තමන්ට අපහාස වන අන්දමේ අසත්ය ප්රකාශ සිදුකළ බවට චෝදනා කරමින් හිටපු ආණ්ඩුකාර කීර්ති තෙන්නකෝන් මහතා පවරා ඇති වන්දි නඩුව එළඹෙන මාර්තු 20 වන දින කොළඹ මහාධිකරණයේදී විභාගයට ගැනීමට නියමිතය. 2025 ජනවාරි 09 වන දින පවත්වන ලද මාධ්ය හමුවකදී අමාත්යවරයා සිදුකළ ප්රකාශයක් මෙම නීතිමය ක්රියාමාර්ගයට පාදක වී ඇති අතර, DMR/1467/25 අංකය යටතේ ගොනු කර ඇති මෙම පෙත්සම මගින් රුපියල් මිලියන 200ක වන්දි මුදලක් ඉල්ලා තිබේ.
කීර්ති තෙන්නකෝන් මහතා පෙන්වා දෙන්නේ තණමල්විල ප්රදේශයේ පිහිටි තමන්ට අයත් පෞද්ගලික වගා බිමක ඡායාරූප ප්රදර්ශනය කරමින්, එම භූමිය හල්දුම්මුල්ල ප්රාදේශීය ලේකම් කොට්ඨාසයේ රක්ෂිතයකට අයත් බවට අමාත්යවරයා කළ ප්රකාශය මුළුමනින්ම අසත්ය සහ ද්වේෂ සහගත බවයි. ස්වාධීන රූපවාහිනී සේවයේ ප්රවෘත්ති සහ ‘පත්තරෙන් එහා’ වැඩසටහන හරහා මෙම ප්රකාශ ප්රචාරය කිරීමෙන් තමන්ට දැඩි අගතියක් සිදු වූ බව පවසන ඔහු, අමාත්යවරයාගෙන් සහ රූපවාහිනී ආයතනයෙන් රුපියල් මිලියන 100 බැගින් වන්දි මුදලක් සහ නඩු පවරන දින සිට ඊට අදාළ නෛතික පොලියද අය කර දෙන ලෙස අධිකරණයෙන් ඉල්ලා සිටියි.
