ලොව සුප්රසිද්ධ අන්තර්ජාල වෙළඳ පොළක් වන Amazon අඩවිය තාක්ෂණික දෝෂයකට ලක්ව ඇති බව වාර්තා වේ. මාර්තු 19 වන බ්රහස්පතින්දා රාත්රී 7:30 (EDT) සිට පරිශීලකයන් මේ පිළිබඳව වාර්තා කර ඇති අතර, ඔවුන් පවසන්නේ භාණ්ඩ තම මිලදී ගැනීමේ ලැයිස්තුවට (Cart) එක් කිරීමට නොහැකි වී ඇති බවයි.
Downdetector දත්තවලට අනුව කෙටි කාලයක් තුළ මෙවැනි පැමිණිලි 2,500කට වඩා වාර්තා වී තිබේ. බොහෝ දෙනෙකු පවසන්නේ තමන් සොයන සෑම භාණ්ඩයක්ම “දැනට ලබා ගත නොහැකි” (Unavailable) ලෙස දිස්වන බවයි. තවත් පිරිසක් පවසන්නේ තම මිලදී ගැනීමේ ලැයිස්තුවට එක් කර තිබූ භාණ්ඩ ද ඉබේම ඉවත් වී ඇති බවයි.
මෙම ගැටලුව හේතුවෙන් ඇණවුම් සම්පූර්ණ කිරීමට නොහැකි වීම නිසා බොහෝ පාරිභෝගිකයන් දැඩි අපහසුතාවයට පත්ව සිටිති. කෙසේ වෙතත්, මෙම තාක්ෂණික දෝෂය සම්බන්ධයෙන් Amazon ආයතනය මෙතෙක් නිල ප්රකාශයක් නිකුත් කර නොමැති අතර, පවතින තත්ත්වය යථා තත්ත්වයට පත් කිරීමට ඔවුන් කටයුතු කරමින් සිටිනු ඇතැයි අපේක්ෂා කෙරේ.
