2024 වසරේදී කොල්කටාහි RG Kar වෛද්ය විද්යාලයේදී ලිංගික අපයෝජනයට ලක්ව ඝාතනය වූ තරුණ වෛද්යවරියගේ මව එළඹෙන බටහිර බෙංගාල ප්රාන්ත සභා මැතිවරණය සඳහා ඉදිරිපත් වීමට තීරණය කර තිබේ. ඇය සිය දියණිය ජීවත් වූ ප්රදේශය අයත් වන උතුරු 24 පර්ගනාස් (North 24 Parganas) දිස්ත්රික්කයේ පානිහාටි (Panihati) ආසනය සඳහා තරඟ කිරීමට බලාපොරොත්තු වන බව ඊයේ (මාර්තු 19) මාධ්ය වෙත ප්රකාශ කළාය.
සිය දියණියට සාධාරණය ඉටු කර ගැනීම සහ බෙංගාලයේ කාන්තාවන්ගේ ආරක්ෂාව වෙනුවෙන් පෙනී සිටීම තම ප්රධාන අරමුණ බව ඇය සඳහන් කළාය. තමන්ට මීට පෙරද BJP පක්ෂයෙන් ආරාධනා ලැබුණු නමුත් ඒ වන විට මානසිකව සූදානම් නොවූ බවත්, වත්මන් තත්ත්වය හමුවේ පාලක තෘණමූල් කොංග්රසයට (TMC) එරෙහිව සටන් කිරීමට එම පක්ෂය තෝරා ගත් බවත් ඇය පැවසුවාය. සිය දියණියගේ මරණය දේශපාලන වාසි සඳහා යොදාගත් බවට ඇය වාමාංශික පක්ෂ (CPI-M) වෙත චෝදනා කරන අතර ඔවුන් වක්රව TMC රජයට සහාය වන බවට ද ප්රකාශ කර තිබේ.
BJP පක්ෂය විසින් මේ වන විට සිය දෙවන අපේක්ෂක ලැයිස්තුව ප්රකාශයට පත් කර ඇති අතර පානිහාටි ආසනය සඳහා මෙතෙක් අපේක්ෂකයෙකු නම් කර නොමැත. මේ හේතුවෙන් ඇය එම ආසනය සඳහා නම් කරනු ඇතැයි බොහෝ දෙනා අනුමාන කරති. කෙසේ වෙතත් ඇයගේ මෙම දේශපාලන ප්රවේශය සම්බන්ධයෙන් ‘Reclaim the Night’ වැනි සිවිල් ක්රියාකාරීන් අතර විවිධ මතභේද හටගෙන ඇති බව ද වාර්තා වේ.
