ලබන සෙනසුරාදා (21) සහ ඉරිදා (22) යන දිනවල ඛනිජ තෙල් තොග ගබඩා පර්යන්තයෙන් ඉන්ධන නිකුත් නොකරන බවට පැතිර යන වාර්තා සම්පූර්ණයෙන්ම අසත්ය බව ඛනිජ තෙල් නීතිගත සංස්ථාව පවසයි. ඛනිජ තෙල් තොග පර්යන්ත සමාගමේ කළමනාකාර අධ්යක්ෂ මයුර නෙත්තිකුමාරගේ මහතා අවධාරණය කරන්නේ දිවයින පුරා ඉන්ධන පිරවුම්හල් වෙත ඉන්ධන සැපයීම කිසිදු බාධාවකින් තොරව සති අන්තයේදී ද සිදු කරන බවයි.
දැනට ක්රියාත්මක QR කේත ක්රමය සහ වාහන අංක තහඩුවේ අවසන් අංකය අනුව (ඔත්තේ/ඉරට්ටේ) ඉන්ධන නිකුත් කිරීමේ ක්රමවේදය හේතුවෙන් පිරවුම්හල් අසල පැවති තදබදය අවම වී ඇති බව නිරීක්ෂණය වේ. අද (20) දිනයේ ඉන්ධන නිකුත් කරනු ලබන්නේ අවසන් අංකය ඉරට්ටේ සංඛ්යාවක් වන වාහන සඳහා පමණි. හම්බන්තොට වැනි ප්රදේශවල නීතිවිරෝධී ලෙස ඉන්ධන රැස් කළ පුද්ගලයන් අත්අඩංගුවට ගනිමින් සිටින පසුබිමක, කොලොන්නාව සහ මුතුරාජවෙල පර්යන්තවලින් ඉන්ධන බෙදාහැරීම විධිමත් කිරීමට ආරක්ෂක අංශවල සහාය ද ලබාගෙන තිබේ. ත්රිකුණාමලය දිස්ත්රික්කයේ පෞද්ගලික බස් රථ සඳහා ඉන්ධන නිකුත් කිරීම ලංගම ඩිපෝ හරහා ක්රමවත්ව සිදු කිරීමට ද පියවර ගෙන ඇත.
