ජාත්යන්තර ප්රජාව යුද ගැටුම් නතර කරන ලෙස දිගින් දිගටම ඉල්ලීම් කළද, කුවේට් රජයට අයත් ප්රධානතම තෙල් පිරිපහදුවක් වන මිනා අල්-අහමදී (Mina al-Ahmadi) මධ්යස්ථානයට අද (20) ප්රබල ඩ්රෝන ප්රහාර කිහිපයක් එල්ල වී තිබේ. කුවේට් තෙල් සංස්ථාව තහවුරු කරන පරිදි මෙම ප්රහාරය හේතුවෙන් පිරිපහදුවේ ඒකක කිහිපයක දැවැන්ත ගින්නක් හටගෙන ඇති අතර, ආරක්ෂක පියවරක් ලෙස එහි සියලු මෙහෙයුම් තාවකාලිකව නවතා දැමීමට බලධාරීන් පියවර ගෙන ඇත.
ඊශ්රායලය විසින් ඉරානයේ දකුණු පාර්ස් (South Pars) ඇතුළු ගෑස් මධ්යස්ථාන ඉලක්ක කර එල්ල කරන ප්රහාරවලට ප්රතිචාර වශයෙන් ඉරානය දැන් ගල්ෆ් කලාපයේ අනෙකුත් රටවල බලශක්ති යටිතල පහසුකම් වෙත සිය ප්රහාර එල්ල කරමින් සිටී. කටාර්හි රාස් ලෆාන් මධ්යස්ථානයට සහ දැන් කුවේටයට එල්ල වූ මෙම ප්රහාර මාලාව හේතුවෙන් ලෝක වෙළඳපොළේ බොරතෙල් සහ ද්රව ස්වභාවික වායු (LNG) සැපයුම බරපතල ලෙස අඩාල වීමේ අවදානමක් මතුව තිබේ. හෝමුස් සමුද්ර සන්ධියේ පවතින අවහිරතා සහ මෙම නවතම ප්රහාර හේතුවෙන් ගෝලීය බලශක්ති මිල ගණන් තවදුරටත් ඉහළ යනු ඇතැයි ආර්ථික විශේෂඥයෝ පෙන්වා දෙති.
