ඉරානය විසින් එල්ල කරන ලද සතුරු ආක්රමණ ආරම්භ වූ දින සිට මේ දක්වා බහරේන රාජ්යය ඉලක්ක කරගනිමින් පැමිණි බැලස්ටික් මිසයිල 139ක් සහ ඩ්රෝන යානා 238ක් සාර්ථකව මැඩපැවැත්වීමට තම ගුවන් ආරක්ෂක පද්ධති සමත් වූ බව බහරේන ආරක්ෂක බලකායේ (BDF) මහා විධානය නිල වශයෙන් නිවේදනය කර තිබේ. බහරේන ප්රවෘත්ති ඒජන්සිය (BNA) මගින් නිකුත් කරන ලද නිවේදනයකට අනුව, මෙම ප්රහාර සියල්ලම පාහේ ගුවනේදීම විනාශ කර දමනු ලැබීය.
සිවිල් ජනාවාස සහ පෞද්ගලික දේපළ ඉලක්ක කරගනිමින් බැලස්ටික් මිසයිල සහ ඩ්රෝන යානා යොදා ගැනීම ජාත්යන්තර මානුෂීය නීතිය සහ එක්සත් ජාතීන්ගේ ප්රඥප්තිය (UN Charter) බරපතල ලෙස උල්ලංඝනය කිරීමක් බව බහරේන රජය අවධාරණය කරයි. මෙම ප්රහාර කලාපීය සාමයට සහ ආරක්ෂාවට සෘජු තර්ජනයක් බව ද ආරක්ෂක අංශ පෙන්වා දෙයි.
මැදපෙරදිග කලාපයේ පවතින උණුසුම් වාතාවරණය හමුවේ බහරේනය සිය ආරක්ෂක විධිවිධාන දැඩි කර ඇති අතර, මිත්ර රටවල් සමඟ එක්ව ගුවන් සීමාවේ ආරක්ෂාව තහවුරු කිරීමට පියවර ගෙන ඇත. ඉරාන ප්රහාර හමුවේ වුවද බහරේනය තුළ සාමාන්ය ජන ජීවිතය පවත්වාගෙන යාමට අවශ්ය සියලුම ක්රියාමාර්ග ගෙන ඇති බවත්, ජනතාව කලබලයට පත් නොවිය යුතු බවත් බලධාරීන් වැඩිදුරටත් සඳහන් කරයි.
