පකිස්ථානය සතු දිගු දුර බැලස්ටික් මිසයිල මගින් ඇමෙරිකා එක්සත් ජනපදය වෙත පවා ප්රහාර එල්ල කිරීමේ හැකියාවක් පවතින බවට එරට බුද්ධි අංශ ප්රධානී තුල්සි ලැබාර්ඩ් (Tulsi Gabbard) මහත්මිය අනතුරු අඟවා තිබේ. පසුගිය බදාදා ඇමෙරිකානු නීති සම්පාදකයින් හමුවේ ඇය ප්රකාශ කළේ, පකිස්ථානයේ මිසයිල සංවර්ධන වැඩපිළිවෙළ කලාපීය ආරක්ෂාව ඉක්මවා ගිය අවදානමක් පෙන්නුම් කරන බවයි.
ඇමෙරිකානු බුද්ධි අංශ ප්රධානියාගේ ප්රකාශය පකිස්ථාන විදේශ අමාත්යාංශය තරයේ ප්රතික්ෂේප කර ඇති අතර, තම මිසයිල වැඩසටහන හුදෙක් ඉන්දියාවෙන් එල්ල වන තර්ජන හමුවේ ආත්මාරක්ෂාව සඳහා පමණක් ක්රියාත්මක වන්නක් බව පවසා තිබේ. පකිස්ථාන විදේශ අමාත්යාංශ ප්රකාශක තාහීර් අන්ද්රාබි (Tahir Andrabi) මහතා සඳහන් කරන්නේ, පකිස්ථානයට වඩා කිලෝමීටර් 12,000ක පමණ දුරක් විහිදෙන මිසයිල සංවර්ධනය කරන ඉන්දියාවේ ක්රියාකලාපය මුළු ලෝකයටම දැඩි සැලකිල්ලට භාජනය විය යුතු කරුණක් බවයි.
පකිස්ථානයේ මෙම ප්රකාශයට පිළිතුරු දෙමින් ඉන්දීය විදේශ කටයුතු අමාත්යාංශය පවසා ඇත්තේ, රහසිගතව න්යෂ්ටික අවි ව්යාප්ත කිරීම සම්බන්ධයෙන් පකිස්ථානයට කළු පැල්ලමක් සහිත ඉතිහාසයක් ඇති බවයි. පකිස්ථානය වැනි රටක මෙවැනි ප්රකාශයන් මගින් ලෝක සාමයට ඔවුන්ගෙන් එල්ල වන සැබෑ තර්ජනය නැවත වරක් තහවුරු වන බව ද ඉන්දියාව අවධාරණය කළේය.
