පිලිපීන ටෙනිස් තරුකෝලී ඇලෙක්ස් ඊලා, ජර්මනියේ අත්දැකීම් බහුල ක්රීඩිකා ලෝරා සීග්මන්ඩ් (Laura Siegemund) පරාජයට පත් කරමින් මියාමි ඕපන් ටෙනිස් තරඟාවලියේ 32 දෙනාගේ වටයට සුදුසුකම් ලබා ගැනීමට සමත් වූවාය. ඉතා තීරණාත්මක තරඟයකින් පසු වට 2-1ක් ලෙස මෙම ජයග්රහණය වාර්තා කිරීමට 20 හැවිරිදි ඇලෙක්ස් ඊලාට හැකි විය.
තරඟයේ පළමු වටය තියුණු සටනකින් පසු ලකුණු 6-7ක් ලෙස පරාජයට පත් වුවද, දෙවන වටයේ සිට ඇලෙක්ස් ඊලා සිය ආධිපත්යය පැතිරවීමට සමත් වූවාය. දෙවන වටයේදී ප්රතිවාදී ක්රීඩිකාවගේ සර්විස් වාරයන් බිඳ දමමින් ලකුණු 6-3ක ජයක් ලබාගත් ඇය, තෙවන සහ තීරණාත්මක වටයේදී ද ලකුණු 6-3ක් ලෙස ජයග්රහණය තහවුරු කර ගත්තාය.
වයස අවුරුදු 38ක් වන ජර්මානු ක්රීඩිකාව තරඟයට දැඩි පීඩනයක් එල්ල කළද, ඇලෙක්ස් ඊලා පෙන්වූ ඉවසීම සහ ආත්ම විශ්වාසය මෙම ජයග්රහණයට ප්රධාන හේතුව විය. විශේෂයෙන්ම තෙවන වටයේදී ලකුණු 3-1ක් ලෙස ඉදිරියට පැමිණි ඇය, තරඟය අවසන් වන තෙක් එම පාලනය පවත්වා ගැනීමට සමත් වූවාය.
