අපනයන ක්ෂේත්රය ප්රමුඛ කාර්යයක් ලෙස සලකා එම ක්ෂේත්රයට එල්ල වී ඇති අභියෝග ජය ගැනීම සඳහා රජයක් ලෙස කළ යුතු සියලු මැදිහත්වීම් සිදු කරන බව ජනාධිපති අනුර කුමාර දිසානායක මහතා අවධාරණය කළේය. ජනාධිපතිවරයා මේ බව සඳහන් කළේ අපනයන ක්ෂේත්රයට එල්ල වී ඇති අභියෝග ජය ගැනීම සඳහා ගත යුතු ක්රියාමාර්ග පිළිබඳ සොයා බැලීමට ප්රධාන අපනයනකරුවන් සහ ශ්රී ලංකා වාණිජ මණ්ඩල නියෝජිතයන් සමඟ ජනාධිපති කාර්යාලයේදී පැවැති සාකච්ඡාවකදීය. මෙහිදී විශේෂයෙන්ම අපනයන ක්ෂේත්රයට මෙන්ම නිෂ්පාදකයන්ට සහ සේවා සපයන්නන්ට ඉන්ධන සපයා ගැනීමේදී මුහුණ දීමට සිදුව ඇති ගැටලු සම්බන්ධයෙන් ජනාධිපතිවරයාගේ විශේෂ අවධානය යොමු වූ අතර ජාතික ආර්ථිකයට එල්ල විය හැකි බලපෑම අවම කර ගනිමින් උද්ගතව ඇති තත්ත්වය කළමනාකරණය කර ගැනීම සඳහා අපනයන ක්ෂේත්රයට ප්රමුඛතාව ලබා දීම පිළිබඳව ද මෙහිදී දීර්ඝ ලෙස සාකච්ඡා කෙරිණි.
