මැදපෙරදිග පවතින යුදමය වාතාවරණය හමුවේ මෙරට රාජ්ය සේවය ක්රමානුකූලව සහ බාධාවකින් තොරව පවත්වාගෙන යෑම සඳහා පත් කළ අමාත්ය මණ්ඩල කමිටුවේ පළමු රැස්වීම අග්රාමාත්ය ආචාර්ය හරිනි අමරසූරිය මහත්මියගේ ප්රධානත්වයෙන් ඊයේ (19) පස්වරුවේ ජනාධිපති කාර්යාලයේදී පැවැත්විණි. ගෝලීය බලශක්ති අර්බුදය හමුවේ මතුව ඇති අභියෝග කළමනාකරණය කරගනිමින්, මහජනතාවට අවශ්ය අත්යවශ්ය සේවාවන් අඛණ්ඩව සැපයීම සහ රාජ්ය සේවකයන් මුහුණ දෙන ප්රායෝගික ගැටලු අවම කිරීම සඳහා ගත හැකි ක්රියාමාර්ග පිළිබඳව මෙහිදී දීර්ඝ ලෙස සාකච්ඡා වී තිබේ.
විශේෂයෙන්ම ඉන්ධන සහ බලශක්ති භාවිතය සීමා කරමින් රාජ්ය ආයතනවල කටයුතු කාර්යක්ෂමව පවත්වාගෙන යන ආකාරය පිළිබඳව අවධානය යොමු වූ අතර, ප්රවාහන හා සෞඛ්ය වැනි තීරණාත්මක අංශ බිඳවැටීමකින් තොරව පවත්වාගෙන යෑමට අවශ්ය සැලසුම් සකස් කිරීම මෙහි ප්රධාන අරමුණකි. මෙම රැස්වීම සඳහා රාජ්ය පරිපාලන අමාත්ය ඒ. එච්. එම්. එම්. එච්. අබයරත්න, ජනාධිපති ලේකම් ආචාර්ය නන්දික සනත් කුමානායක යන මහත්වරුන් ඇතුළු විවිධ අමාත්යාංශවල ලේකම්වරුන් සහ ඛනිජ තෙල් නීතිගත සංස්ථාවේ සභාපතිවරයා ද සහභාගී වී සිටියහ.
