අධිකරණ අමාත්ය හර්ෂණ නානායක්කාර මහතාට එරෙහිව වරප්රසාද ප්රශ්නයක් තමා විසින් කථානායක ජගත් වික්රමරත්න මහතා වෙත ලිඛිතව භාරදුන් බව සමගි ජන බලවේගයේ කළුතර දිස්ත්රික් පාර්ලිමේන්තු මන්ත්රී අජිත් පී. පෙරේරා මහතා ප්රකාශ කළේය. ඊයේ (20) පාර්ලිමේන්තුවේදී අමාත්යවරයා හැසිරුණු ආකාරය සමස්ත පාර්ලිමේන්තුවටම සහ මන්ත්රීවරුන්ට සිදුකළ බරපතල අපහාසයක් බව මන්ත්රීවරයා පෙන්වා දෙයි.
නීතිපති දෙපාර්තමේන්තුවේ පළාත්බද කාර්යාල ස්ථාපිත කිරීම සම්බන්ධයෙන් “පොහොසත් රටක් ලස්සන ජීවිතයක්” ප්රතිපත්ති ප්රකාශයේ සඳහන් පොරොන්දු පිළිබඳව තමා විමසූ අවස්ථාවේදී, අමාත්යවරයා ඊට පිළිතුරු ලබා නොදී අභිනයෙන් (Gestures) අපහාසාත්මක ලෙස කටයුතු කළ බවට මන්ත්රීවරයා චෝදනා කරයි. පාර්ලිමේන්තු ආචාර ධර්මවලට පටහැනිව මෙලෙස කටයුතු කිරීම මඟින් සභාවේ ගෞරවය කෙලෙසී ඇති බැවින් ඒ පිළිබඳව වහාම පරීක්ෂණයක් පවත්වන ලෙස ඔහු කථානායකවරයාගෙන් ඉල්ලා සිටියේය.
මෙරට දේශපාලන කරළියේ මෙවැනි උණුසුම් වාද විවාද පවතින අතරතුර, ජනාධිපති ලේකම් කාර්යාලයේ වාහන භාවිතය අවම කිරීම සහ රත්නපුර කහවත්ත ප්රදේශයේ ‘දැය නංවන සපිරි ගමක්’ වැඩසටහන ක්රියාත්මක කිරීම පිළිබඳව ද අද දින විශේෂ අවධානයක් යොමු විය.
