ශ්රී ලංකා ඛනිජ තෙල් නීතිගත සංස්ථාව විසින් QR කේතය යටතේ වාහන සඳහා නිකුත් කරනු ලබන සතිපතා ඉන්ධන කෝටාව අද (21) රාත්රියේ සිට ක්රියාත්මක වන පරිදි ඉහළ දැමීමට පියවර ගෙන තිබේ. මෙම නව සංශෝධනයට අනුව මීට පෙර සතියකට ලීටර් 15ක් ලබාදුන් මෝටර් රථ සඳහා දැන් ලීටර් 25ක් ද, ත්රිරෝද රථ සඳහා ලබාදුන් ලීටර් 15ක ප්රමාණය ලීටර් 20 දක්වා ද ඉහළ නංවා ඇත. වෑන් රථ සඳහා මීට පෙර හිමි වූ ලීටර් 40ක කෝටාව ලීටර් 50 දක්වා වැඩිකර ඇති අතර යතුරුපැදි සඳහා මෙතෙක් ලබාදුන් ලීටර් 5ක ප්රමාණය ලීටර් 8 දක්වා වැඩි කිරීමට කටයුතු කර තිබේ.
මීට අමතරව බස් රථ සඳහා ලබාදුන් ලීටර් 60ක ඉන්ධන ප්රමාණය ලීටර් 100 දක්වා සැලකිය යුතු ලෙස ඉහළ දමා ඇති අතර ඉඩම් වාහන සඳහා ලබාදුන් ලීටර් 25ක කෝටාව ලීටර් 40 දක්වා සංශෝධනය කර ඇත. ක්වාඩ් සයිකල් සඳහා ද ලීටර් 8ක නව කෝටාවක් හිමිවන නමුත් ලොරි රථ සඳහා ලබාදෙන ලීටර් 200ක ප්රමාණය සහ විශේෂ කාර්ය වාහන සඳහා ලබාදෙන ලීටර් 40ක ප්රමාණය එලෙසම නොවෙනස්ව පවතින බව ඛනිජ තෙල් නීතිගත සංස්ථාව වැඩිදුරටත් සඳහන් කරයි. මෙම තීරණයත් සමඟ මෙරට ප්රවාහන ක්ෂේත්රයේ නියුතු පිරිස් වෙත සහ සාමාන්ය ජනතාව වෙත විශාල සහනයක් සැලසෙනු ඇතැයි අපේක්ෂා කෙරේ.
