ඇමරිකානු ජනාධිපති ඩොනල්ඩ් ට්රම්ප් සිය සමාජ මාධ්ය ගිණුමක සටහනක් තබමින් ප්රකාශ කර ඇත්තේ මැදපෙරදිග කලාපය තුළ දියත් කර ඇති දැවැන්ත හමුදා ප්රයත්නයන් අවසන් කිරීම පිළිබඳව තමන් මේ වන විට සලකා බලමින් සිටින බවයි. සිය අරමුණු සපුරා ගැනීමට ඉතා ආසන්න බවත් එම මෙහෙයුම් සාර්ථක වී ඇති බවත් ඔහු මෙහිදී අවධාරණය කර තිබේ. ඉරානය සමඟ පවතින ගැටුම්කාරී තත්ත්වය හමුවේ ඇමරිකානු හමුදා මැදිහත්වීම තවදුරටත් අවශ්යද යන්න පිළිබඳව විවිධ මට්ටමේ සාකච්ඡා පවතින පසුබිමක ජනාධිපතිවරයාගේ මෙම ප්රකාශය ජාත්යන්තර අවධානයට ලක්ව ඇත. විශේෂයෙන්ම මැදපෙරදිග කලාපයේ ස්ථාවරත්වය සහ බලශක්ති සැපයුම සම්බන්ධයෙන් බරපතල අර්බුද නිර්මාණය වී ඇති මොහොතක ට්රම්ප්ගේ මෙම නවතම ස්ථාවරය කලාපීය දේශපාලනයේ තීරණාත්මක හැරවුම් ලක්ෂයක් වනු ඇතැයි විශ්ලේෂකයෝ පවසති.
