යාපනය විශ්වවිද්යාලයේ සේවය කළ 54 හැවිරිදි තිලීපන් දයාලිනි නමැති කථිකාචාර්යවරියක පහර දී ඝාතනය කිරීමේ පුවතක් යාපනය ප්රදේශයෙන් වාර්තා වේ. මෙම ඝාතනය සම්බන්ධයෙන් ඇයගේ 19 හැවිරිදි දියණිය සහ 21 හැවිරිදි බෑනා ත්රිකුණාමලය ප්රදේශයේදී පොලිස් අත්අඩංගුවට ගෙන තිබේ. කථිකාචාර්යවරිය සහ දියණිය පැහැරගෙන ගොස් ඇති බවට ඇයගේ පුත්රයා විසින් කරන ලද පැමිණිල්ලකට අනුව සිදුකළ විමර්ශනවලදී මෙම ඝාතනය අනාවරණය වී ඇත.
සැකකාර බෑනා විසින් සිදුකළ පහරදීමකින් කථිකාචාර්යවරිය මියගොස් ඇති අතර, පසුව ඇයගේ මළ සිරුර යාපනය ප්රදේශයේ මාර්ගයක දමා සැකකරුවන් පලාගොස් තිබේ. පරන්තන් ප්රදේශයේ ඒ.ටී.එම් (ATM) යන්ත්රයකින් මුදල් ලබාගැනීම සහ ත්රිකුණාමලයේ පිරවුම්හලකින් ඉන්ධන ලබාගැනීමේදී භාවිතා කළ QR කේතය හා සී.සී.ටී.වී (CCTV) දර්ශන ඔස්සේ සැකකරුවන් කොටු කර ගැනීමට පොලිසිය සමත්ව ඇත. මේ වන විට මළ සිරුර යාපනය ශික්ෂණ රෝහලේ තැන්පත් කර ඇති අතර යාපනය පොලිසිය වැඩිදුර විමර්ශන මෙහෙයවයි.
