ගෝලීය බලශක්ති සැපයුමට දැඩි බලපෑමක් එල්ල කරමින් වසා දමා තිබූ හෝමුස් සමුද්ර සන්ධිය (Strait of Hormuz) හරහා ඉන්දියාව ඇතුළු මිත්ර රටවල නෞකාවලට ගමන් කිරීමට අවසර ලබා දුන් බව ඉරාන විදේශ අමාත්ය අබ්බාස් අරග්චි මහතා ප්රකාශ කර තිබේ. මුම්බායි හි පිහිටි ඉරාන කොන්සල් ජනරාල් කාර්යාලය තහවුරු කරන පරිදි ඉන්දියාවට අමතරව චීනය, රුසියාව, ඉරාකය සහ පකිස්ථානය යන රටවල නෞකාවලට ද මෙම අවසරය හිමි වන අතර මෙය කලාපීය ආර්ථික ස්ථාවරත්වයට ඉතා වැදගත් තීරණයක් ලෙස සැලකේ.
එක්සත් ජාතීන්ගේ මහලේකම් ඇන්ටෝනියෝ ගුටරෙස් මහතා විසින් හෝමුස් සමුද්ර සන්ධිය විවෘත කරන ලෙස කළ ඉල්ලීමෙන් අනතුරුව ඉරානය මෙම පියවර ගෙන ඇති අතර මහලේකම්වරයා පෙන්වා දුන්නේ මෙම මාර්ගය වසා තැබීම නිසා ගෝලීය වශයෙන් තෙල්, ගෑස් සහ පොහොර ප්රවාහනය අඩාල වී ඇති බවයි. මැදපෙරදිග පවතින යුදමය වාතාවරණය හමුවේ සිවිල් වැසියන් දැඩි පීඩාවට පත්ව සිටින බැවින් වහාම යුද්ධය නතර කරන ලෙස ඔහු අමෙරිකාවෙන් සහ ඊශ්රායලයෙන් ඉල්ලා සිටි අතර ගැටුමට සම්බන්ධ නොවන අසල්වැසි රටවලට ප්රහාර එල්ල කිරීම නතර කරන ලෙස ඉරානයට ද දැනුම් දුන්නේය. නිව්යෝර්ක් හි පිහිටි ඉරාන දූත මණ්ඩලය මීට පෙර ප්රකාශ කළේ තමන් “සතුරු නොවන” (non-hostile) ඕනෑම නෞකාවකට මෙම මාර්ගය විවෘතව තබන බවයි.
