මහකුඹුක්කඩවල පොලිස් වසමේ සොහොන්කල්ම ප්රදේශයේදී පියෙකු සහ පුතෙකු අතර ඇති වූ ආරවුලක් දුරදිග යාමෙන්, පියා විසින් එල්ල කළ පොරෝ පහරකින් පුත්රයා ජීවිතක්ෂයට පත්වීමේ අවාසනාවන්ත පුවතක් වාර්තා වේ. ඊයේ (26) රාත්රී කාලයේදී මෙම ඝාතනය සිදුව ඇති අතර, මියගිය පුද්ගලයා එම ප්රදේශයේම පදිංචි 26 හැවිරිදි තරුණයෙකි. පොලිස් විමර්ශනවලට අනුව අනාවරණය වී ඇත්තේ නිවසේ සිට පියා සහ පුතා මත්පැන් පානය කරමින් සිටියදී ඇති වූ බහින්බස්වීමක් මෙම ඛේදවාචකයට මුල් වී ඇති බවයි.
මෙම සිද්ධියට සම්බන්ධ 63 හැවිරිදි සැකකාර පියා මේ වන විට මහකුඹුක්කඩවල පොලීසිය විසින් අත්අඩංගුවට ගෙන තිබේ. මියගිය තරුණයාගේ මෘත ශරීරය මහේස්ත්රාත් පරීක්ෂණයෙන් අනතුරුව පශ්චාත් මරණ පරීක්ෂණය සඳහා ආණමඩුව රෝහලට යොමු කිරීමට නියමිතය. සිද්ධිය සම්බන්ධයෙන් මහකුඹුක්කඩවල පොලීසිය වැඩිදුර විමර්ශන කටයුතු සිදු කරනු ලබයි.
