ඇමෙරිකානු ඩොලර් නෝට්ටු මත සාම්ප්රදායිකව යොදන භාණ්ඩාගාරිකවරයාගේ (U.S. Treasurer) අත්සන ඉවත් කර, ඒ වෙනුවට ජනාධිපති ඩොනල්ඩ් ට්රම්ප් සහ භාණ්ඩාගාර ලේකම් ස්කොට් බෙස්න්ට්ගේ (Scott Bessent) අත්සන් යෙදීමට ඇමෙරිකානු භාණ්ඩාගාරය ඊයේ (2026 මාර්තු 26) තීරණය කර තිබේ. 1861 වසරෙන් පසුව ඩොලර් නෝට්ටුවකින් භාණ්ඩාගාරිකගේ අත්සන ඉවත් කරනු ලබන පළමු අවස්ථාව මෙය වන අතර, බලයේ සිටින ජනාධිපතිවරයෙකුගේ අත්සන නිල මුදල් නෝට්ටු මත සටහන් වන පළමු අවස්ථාව ලෙස ද මෙය ඉතිහාසයට එක්වේ.
ලබන ජූනි මාසයේ සිට ට්රම්ප්ගේ අත්සන සහිත ප්රථම ඩොලර් 100 නෝට්ටු මුද්රණය කිරීමට නියමිත බව රොයිටර් පුවත් සේවය වාර්තා කරයි. ඇමෙරිකාවේ 250 වැනි නිදහස් සංවත්සරයට (Semiquincentennial) සමගාමීව ට්රම්ප්ගේ නායකත්වයට උපහාරයක් ලෙස මෙම පියවර ගත් බව රජයේ පාර්ශ්වයන් පවසන නමුත්, සමාජ මාධ්ය තුළ මෙය දැඩි විවේචනයට ලක්ව තිබේ. විචාරකයන් පෙන්වා දෙන්නේ මෙය ජනාධිපතිවරයාගේ පෞද්ගලික ප්රතිරූපය ප්රවර්ධනය කර ගැනීම සඳහා ගත් “අහංකාර තීරණයක්” (Ego move) බවයි.
