මණ්ඩල ප්රධානීන් පිරිසක් 2026 මාර්තු 26 වන දින අග්රාමාත්ය කාර්යාලයේදී අග්රාමාත්ය ආචාර්ය හරිනි අමරසූරිය මහත්මිය හමු වූහ. මෙහිදී අග්රාමාත්යවරිය නව රාජ්ය තාන්ත්රික නිලධාරීන්ට සිය සුබ පැතුම් එක් කළ අතර, වර්තමාන සමාජ-ආර්ථික අභිවෘද්ධිය උදෙසා ඔවුන් සතු වගකීම සහ ජාතික අවශ්යතා ජාත්යන්තර තලයේ නියෝජනය කිරීමේ වැදගත්කම විශේෂයෙන් අවධාරණය කළාය. මෙම හමුව සඳහා මැලේසියාව සඳහා වූ මහ කොමසාරිස් දර්ශන එම්. පෙරේරා, ඔස්ට්රියාව සහ PRUN සඳහා වූ තානාපති ඩයනි මෙන්ඩිස්, ඉතියෝපියාව සහ අප්රිකානු සංගමය සඳහා වූ තානාපති එන්.අයි.ඩී. පරණවිතාන, ඉරානය සඳහා වූ තානාපති මහාචාර්ය එම්.අයි. ෆසීහා අස්මි, ඊශ්රායලය සඳහා වූ තානාපති සමන් කුමාර චන්ද්රසිරි සහ පලස්තීනය සඳහා වූ නියෝජිත එම්. ෆාරුක් එම්. ෆවුසර් යන මහත්ම මහත්මීන් එක්ව සිටියහ.
ජාත්යන්තර වේදිකාව තුළ ශ්රී ලංකාව පිළිබඳ ධනාත්මක සහ විශ්වසනීය ප්රතිරූපයක් ගොඩනැගීමට වෘත්තීයමය සහ උපායමාර්ගික මැදිහත්වීමක අවශ්යතාව අග්රාමාත්යවරිය මෙහිදී පෙන්වා දුන්නාය. විශේෂයෙන්ම තිරසාරත්වය සහ නවෝත්පාදනය කෙරෙහි අවධානය යොමු කරමින් මෙරට සංවර්ධන ප්රමුඛතා ක්ෂේත්ර සඳහා නව ආයෝජන ආකර්ෂණය කර ගැනීමටත්, අපනයන වෙළෙඳපොළ විවිධාංගීකරණය කිරීමටත් ප්රමුඛත්වය දිය යුතු බව ඇය වැඩිදුරටත් සඳහන් කළාය. නව වෙළඳපොළ අවස්ථා ගවේෂණය කිරීම සහ ද්විපාර්ශ්වික වෙළඳ සබඳතා ශක්තිමත් කිරීම තුළින් රටේ ආර්ථිකය ශක්තිමත් කිරීමට දූත මණ්ඩල ප්රධානීන් කැපවිය යුතු බව අග්රාමාත්යවරිය මෙහිදී දිරිමත් කළාය. මෙම අවස්ථාවට අග්රාමාත්ය ලේකම්වරයා සහ අග්රාමාත්ය අතිරේක ලේකම් සාගරිකා බෝගහවත්ත මහත්මිය ද සහභාගී වූහ.
