මහ භාණ්ඩාගාරයෙන් ඩොලර් මිලියන 2.5ක් සොරකම් කිරීම රාජපක්ෂවරුන්ගේ සමීපතමයන් විසින් රාජ්ය ආයතන අභ්යන්තරයේ සිට මෙහෙයවන ලද බරපතළ කුමන්ත්රණයක ප්රතිඵලයක් බව ශ්රී ලංකා කම්කරු ජනතා පෙරමුණේ සභාපති චමීර පෙරේරා මහතා චෝදනා කරයි. මාධ්ය හමුවකට එක්වෙමින් ඔහු කියා සිටියේ මෙම මූල්ය වංචාව හුදෙක් තාක්ෂණික දෝෂයක් නොව, ආයතන තුළ රැඳී සිටින රාජපක්ෂ සහචරයන් විසින් විමර්ශන දුර්වල කිරීමේ අරමුණින් සිදුකරන ලද්දක් බවයි.
රාජපක්ෂවරුන්ගේ හිතවාදීන් තවමත් විවිධ රාජ්ය ආයතනවල තීරණාත්මක තනතුරු දරන බවත්, ඔවුන්ගේ අරමුණ දැනට පවතින දූෂණ විමර්ශන වෙනතකට යොමු කිරීම බවත් ඔහු පෙන්වා දෙයි. රුපියල් කෝටි 800ක පමණ වංචා චෝදනා ලැබූවන් නිදහසේ සිටිමින් මෙවැනි කොල්ලයන් සිදුකිරීමට ඉඩ සැලසීම බරපතළ තත්ත්වයක් බව ඔහු අවධාරණය කළේය.
මෙවැනි මූල්ය වංචාවන් හරහා පාස්කු ප්රහාරය වැනි ම්ලේච්ඡ අපරාධවලට සම්බන්ධ මූලයන් ද යටපත් කිරීමට උත්සාහයක් පවතින බව ඔහු චෝදනා කරයි. මෙම සහසික අපරාධකරුවන් හෙළිදරව් කිරීමේ ක්රියාවලිය වැළැක්වීමට දැවැන්ත ව්යායාමයක් ක්රියාත්මක වන බවත්, ඒ පිළිබඳව රජය වහාම අවධානය යොමු කළ යුතු බවත් ඔහු වැඩිදුරටත් සඳහන් කළේය.
මෙම ඩොලර් මිලියන 2.5ක සොරකම සම්බන්ධයෙන් මේ වන විටත් ආරක්ෂක අංශ සහ මූල්ය විමර්ශන ඒකක පුළුල් පරීක්ෂණ ආරම්භ කර ඇත.
