ඇමරිකානු ජනාධිපති ඩොනල්ඩ් ට්රම්ප් ඕස්ට්රේලියානු වැසියන් අතර එතරම් ජනප්රිය චරිතයක් නොවන බව නවතම මත විමසුම් දත්ත මගින් අනාවරණය වී තිබේ. ට්රම්ප් පිළිබඳ ඕස්ට්රේලියානු වැසියන්ගේ අප්රසාදය පසුගිය වසරේ පැවති 51% සිට මේ වන විට 66% දක්වා ඉහළ ගොස් ඇති අතර, ඔහුගේ ක්රියාකලාපය අනුමත කරන්නේ 27% ක් වැනි සුළු පිරිසක් පමණි.
කෙසේ වෙතත්, මෙම ජනප්රිය නොවන තත්ත්වය මධ්යයේ වුවද, ඕස්ට්රේලියානු අගමැති ඇන්තනි ඇල්බනීස් ඇමරිකාව සමඟ පවතින සබඳතා ශක්තිමත්ව පවත්වා ගැනීමට දැඩි උත්සාහයක නිරත වෙයි. විශේෂයෙන්ම මැදපෙරදිග පවතින ඉරාන යුද අර්බුදය නිසා ඇති වී තිබෙන බලශක්ති සහ සැපයුම් දාම ගැටලු හමුවේ, ඇමරිකානු සන්ධානය ඕස්ට්රේලියාවට අතිශය වැදගත් වේ.
ට්රම්ප් ජනාධිපතිවරයා ඕස්ට්රේලියාවේ දායකත්වය සම්බන්ධයෙන් විවේචන එල්ල කළද, අගමැති ඇල්බනීස් පවසන්නේ දෙරට අතර සබඳතාව “ඵලදායී සහ ගොඩනැගීමට දායක වන” (Constructive) එකක් බවයි. ඕනෑම ඇමරිකානු ජනාධිපතිවරයෙකුට ඕස්ට්රේලියාවට පැමිණීමට ඇති ආරාධනය තවමත් විවෘත බව පවසන අගමැතිවරයා, දේශපාලනික මතභේද පසෙකලා රාජ්ය තාන්ත්රික මාවතේ ගමන් කිරීමට තීරණය කර ඇති බව පෙනේ.
