පසුගිය ඔක්තෝබර් මාසයේදී දකුණු කොරියාවේ බුසාන් නුවරදී ඇති කරගත් වෙළඳ එකඟතාවයට මුවා වී, බීජිං පාලනය ඇමෙරිකාවට එරෙහිව සිය ආර්ථික සහ තාක්ෂණික පීඩන උපක්රම පුළුල් කරමින් සිටින බව වාර්තා වේ. ලබන මාසයේදී පැවැත්වෙන ට්රම්ප්-ෂී හමුවට පෙර චීනය විසින් හඳුන්වා දී ඇති නවතම ක්රියාමාර්ග කිහිපයක් මෙසේය.
ලෝකයේ සූර්ය පැනල උපාංග නිෂ්පාදනයෙන් 80% කට වඩා වැඩි ප්රමාණයකට හිමිකම් කියන චීනය, සිය අතිනවීන සූර්ය බලශක්ති තාක්ෂණය ඇමෙරිකාවට අපනයනය කිරීම සීමා කිරීමට අප්රේල් 15 වනදා සිට සාකච්ඡා ආරම්භ කර තිබේ. මෙය ඇමෙරිකාවේ පුනර්ජනනීය බලශක්ති ක්ෂේත්රයට එල්ල විය හැකි ප්රබල බලපෑමකි.
විදේශීය රාජ්යයන් විසින් පනවනු ලබන නීති විරෝධී සම්බාධකවලට එරෙහිව ප්රතිප්රහාර එල්ල කිරීමේ බලය ලබා දෙමින් චීන රාජ්ය මන්ත්රණ සභාව අප්රේල් 13 වනදා නව රෙගුලාසි මාලාවක් නිකුත් කළේය. මේ හරහා වෙනත් රටවල් පනවන අපනයන පාලන නීතිවලට එරෙහිව ක්රියා කිරීමට බීජිං පාලනයට නීතිමය අවසරය හිමි වේ.
චීනය සිය වෙළඳ සන්ධානය භාවිත කරමින් සැපයුම් දාමයන් සහ තීරණාත්මක තාක්ෂණික මෙවලම් මත සිය ග්රහණය තද කරමින් සිටී. 2026 නොවැම්බර් මාසයේදී මෙම සටන් විරාමය අවසන් වීමට නියමිත අතර, එතෙක් ලැබී ඇති කාලය තුළ ඇමෙරිකානු සමාගම්වලට එරෙහිව භාවිතා කළ හැකි ආර්ථික මෙවලම් රැසක් චීනය මේ වන විටත් සූදානම් කරගෙන අවසන් බව විචාරකයෝ පෙන්වා දෙති.
