ශ්රී ලංකාවේ වාහන ඇණියේ බහුතරයක් වන යතුරුපැදි සහ ත්රිරෝද රථ සඳහා විශේෂ වාහන සුසර කිරීමේ වැඩසටහනක් (Vehicle Tune-up Dansala) ජුනි 10 සහ 11 යන දිනවලදී නාරාහේන්පිට පිහිටි මෝටර් රථ ප්රවාහන දෙපාර්තමේන්තුවේ ප්රධාන කාර්යාලය ඉදිරිපිටදී පැවැත්වීමට කටයුතු යොදා ඇත. ආර්ථික දුෂ්කරතා හේතුවෙන් බොහෝ වාහන නිසි නඩත්තුවක් නොලැබීම නිසා සිදුවන අධික වායු විමෝචනය පාලනය කිරීම සහ පාරිසරික බලපෑම් අවම කිරීම මෙම වැඩසටහනේ ප්රධාන අරමුණයි.
මෝටර් රථ ප්රවාහන දෙපාර්තමේන්තුවේ මෝටර් රථ වායු විමෝචන භාර අරමුදල විසින් අඛණ්ඩව තුන්වන වරටත් සංවිධානය කරනු ලබන මෙම මුලපිරීම යටතේ, යතුරුපැදි සහ ත්රිරෝද රථ හිමිකරුවන්ට මෙරට ප්රවීණතම කාර්මික ශිල්පීන් පිරිසක් මගින් නොමිලේ වාහන සුසර කිරීමේ සේවාවන් ලබා ගැනීමේ අවස්ථාව උදා වේ. මෙමගින් වාහනවල ක්රියාකාරිත්වය ඉහළ නංවා ඉන්ධන කාර්යක්ෂමතාව වැඩි දියුණු කිරීමටත්, ඒ හරහා වාහන හිමියන් දරන අනවශ්ය ඉන්ධන පිරිවැය අඩු කිරීමටත් අපේක්ෂා කෙරේ.
පරිසර දූෂණයට හේතු වන හානිකර වායු විමෝචනය අවම කරමින්, පිරිසිදු වායුගෝලයක් පවත්වාගෙන යාම සඳහා සියලුම යතුරුපැදි සහ ත්රිරෝද රථ හිමිකරුවන් වෙත මෙම නොමිලේ සේවාව ලබා ගන්නා ලෙස දෙපාර්තමේන්තුව වැඩිදුරටත් ආරාධනා කරයි.
