පසුගිය දශකයට වඩා ලෝක ආර්ථික අසමතුලිතතාවය (Global Imbalances) වර්තමානය වන විට අතිශය භයානක මට්ටමකට පැමිණ ඇති බව රොයිටර් පුවත් සේවය වාර්තා කරයි. විශේෂයෙන්ම ඇමරිකාවේ පවතින දැවැන්ත අයවැය හිඟය සහ චීනය ඇතුළු රටවල පවතින අතිරික්ත වෙළඳ ශේෂය හමුවේ ලෝක මූල්ය ස්ථාවරත්වය අවදානමකට ලක්ව ඇති බව මූල්ය විශ්ලේෂක ජේමි මැක්ගීවර් පෙන්වා දෙයි.
පවතින ඇමරිකා-ඉරාන යුද වාතාවරණය, ඩොනල්ඩ් ට්රම්ප් පරිපාලනයේ ආර්ථික ප්රතිපත්ති සහ බලශක්ති අර්බුදය මෙම තත්ත්වය තවත් උග්ර කර තිබේ. සති දෙකක සටන් විරාමයක් ප්රකාශයට පත් වීමෙන් තෙල් මිල ඩොලර් 100 ට වඩා පහළ බැස යම් සහනයක් ලැබී තිබුණද, ලෝක මූල්ය පද්ධතිය තුළ පවතින මෙම ගැඹුරු අසමතුලිතතාවය විසඳීමට ලෝක බලවතුන් අතර නිසි සම්බන්ධීකරණයක් නොමැති බව විශ්ලේෂකයෝ පවසති.
