අම්බලන්ගොඩ ප්රදේශයේ සිදුවූ මනුෂ්ය ඝාතනයකට සම්බන්ධ පාතාල අපරාධකරුවන් දෙදෙනෙකුට රැකවරණය දුන් බවට එල්ල වූ චෝදනාවක් මත, හිටපු පොලිස්පති දේශබන්දු තෙන්නකෝන් මහතාගෙන් අපරාධ පරීක්ෂණ දෙපාර්තමේන්තුව (CID) ඊයේ (08) පැයක පමණ කාලයක් ප්රශ්න කර තිබේ.
අම්බලන්ගොඩ ප්රදර්ශනාගාර කළමනාකරුවකු වූ හිරාන් කෝසල නැමැත්තා වෙඩි තබා ඝාතනය කිරීමේ සිද්ධියට අදාළ විමර්ශනවලදී, මෙම අපරාධකරුවන් දෙදෙනා මහනුවර පිහිටි දේශබන්දු තෙන්නකෝන් මහතාට අයත් බව කියන නිවසක රැඳී සිටි බවට තොරතුරු අනාවරණය විය. මීට පෙර පොලිස් විශේෂ කාර්ය බලකාය (STF) විසින් එම නිවස වටලා මෙහෙයුමක් ද සිදු කර තිබුණි.
මෙම සිද්ධියට හිටපු පොලිස්පතිවරයාගේ ඇති සම්බන්ධතාවය සහ පාතාල කල්ලි සාමාජිකයන් සමඟ පවතින බව කියන සබඳතා පිළිබඳව කරුණු විමසීම සඳහා අපරාධ පරීක්ෂණ දෙපාර්තමේන්තුවේ නිලධාරීන් කණ්ඩායමක් මෙලෙස ප්රකාශ ලබාගෙන ඇති බව පොලිස් ආරංචි මාර්ග වැඩිදුරටත් සඳහන් කරයි.
