හලාවත, දැදුරුඔය ප්රදේශයේදී ඊයේ (09) දහවල් සිදුකළ විශේෂ වැටලීමකදී කේරළ ගංජා කිලෝග්රෑම් 10කට අධික ප්රමාණයක් සමඟ සැකකරුවෙකු සහ සැකකාරියක අත්අඩංගුවට ගැනීමට හලාවත කොට්ඨාස විෂ මත්ද්රව්ය අංශයේ නිලධාරීන් සමත් වී ඇත. ඔවුන් සන්තකයේ තිබී මත්ද්රව්ය ජාවාරමෙන් උපයාගත් බවට සැකකෙරෙන රුපියල් 128,000ක මුදලක් ද පොලිස් භාරයට ගෙන තිබේ.
අත්අඩංගුවට ගත් සැකකරු 32 හැවිරිදි වියේ පසුවන අතර සැකකාරිය 26 හැවිරිදි වියේ පසුවන සිංහපුර, හලාවත පදිංචිකරුවන් බව පොලීසිය පවසයි. සැකකරුවන් සහ නඩු භාණ්ඩ ඉදිරි විමර්ශන සඳහා හලාවත පොලිස් ස්ථානය වෙත ඉදිරිපත් කර ඇති අතර, හලාවත පොලීසිය වැඩිදුර විමර්ශන සිදු කරයි.
