දිට්වා සුළි කුණාටුවෙන් විපතට පත් ජනතාවට සහන සැලසීම වෙනුවෙන් රජය පිහිටුවා ඇති ‘Rebuilding Sri Lanka’ අරමුදල ශක්තිමත් කරමින් නිදහස් වෙළෙඳ කලාප නිෂ්පාදකයින්ගේ සංගමය (FTZMA) විසින් රුපියල් මිලියන පහක මූල්යමය ආධාරයක් ලබා දී තිබේ. මෙම පරිත්යාගයට අදාළ චෙක්පත එම සංගමයේ සභාපති ධම්මික ප්රනාන්දු මහතා විසින් ඊයේ (09) පස්වරුවේ ජනාධිපති කාර්යාලයේදී ජනාධිපති ලේකම් ආචාර්ය නන්දික සනත් කුමානායක මහතා වෙත නිල වශයෙන් භාර දෙන ලදී.
මෙම අවස්ථාවට නිදහස් වෙළෙඳ කලාප නිෂ්පාදකයින්ගේ සංගමයේ ගරු ලේකම් එම්. එච්. ඉසෙඩ්. එම්. මර්සුක් මහතා ඇතුළු විධායක කමිටු සාමාජිකයන් වන චාන්දනී ඒකනායක සහ ලලිත් කහටපිටිය යන මහත්ම මහත්මීහු ද එක්ව සිටියහ. ස්වාභාවික විපත්වලින් පීඩාවට පත් ජනතාව යළි නගාසිටුවීමට රජය දරන උත්සාහයට පෞද්ගලික අංශයෙන් ලැබෙන මෙවැනි සහයෝගයන් අතිශය වැදගත් වන බව මෙහිදී අවධාරණය කෙරුණු අතර, එම අරමුදල මගින් ඉදිරියේදී විපතට පත් ප්රදේශවල යටිතල පහසුකම් සංවර්ධනය කිරීමට ද සැලසුම් කර ඇත.
