රෝගය පාලනය කිරීමේ දී මෙතෙක් අත්කරගත් සාර්ථකත්වය සේම කිසියම් තැනක වරදක් සිදුවී ඇත්නම් එය ද හඳුනාගැනීමේ අවශ්ය බව ජනාධිපති ගෝඨාභය රාජපක්ෂ මහතා පවසයි.
ජනාධිපතිවරයා මේ බව පැවසුවේ ඊයේ (27) පෙරවරුවේ ජනාධිපති කාර්යාලයේ දී විශ්රාමික ආරක්ෂක ප්රධානීන්ගේ සහ විශේෂඥ වෛද්යවරුන් පිරිසකගේ සහභාගීත්වයෙන් ත්රිවිධ හමුදා කඳවුරු ඇතුළත සෞඛ්ය සුරක්ෂිතතාව සහතික කිරීමට ගත යුතු ක්රියාමාර්ග හඳුනාගැනීම සම්බන්ධයෙන් පැවැති සාකච්ඡාවකදිය.
හමුදා කඳවුරුවල සෞඛ්ය සුරක්ෂිතතාව තහවුරු කිරීමට බස්නාහිර පළාත් ආණ්ඩුකාර මාර්ෂල් ඔෆ් ද එයා ෆෝස්, රොෂාන් ගුණතිලක මහතාගේ ප්රධානත්වයෙන් විශේෂ ජනාධිපති කාර්ය සාධක බලකායක් පිහිටුවනු ලැබිය. …
ආරක්ෂක ලේකම්වරයාගේ සහ ත්රිවිධ හමුදාපතිවරුන්ගේ මගපෙන්වීම ඇතිව හමුදා කඳවුරු ඇතුළත පූර්ණ සෞඛ්ය සුරක්ෂිතතාව සහතික කිරීමට විධිමත් වැඩපිළිවෙළක් සකස් කොට, එය ක්රියාත්මක කිරීමේ සහ අධීක්ෂණ කාර්යය නව ජනාධිපති විශේෂ කාර්ය සාධක බලකායට පවරා ඇත.
“ජනතාව මෙන්ම ත්රිවිධ හමුදා නිලධාරීන් ද වෛරසයෙන් බේරා ගැනීම එක සේ වැදගත්. ආසාධිතයන් සමග සමීපව වැඩකිරීමට සිදුවන කණ්ඩායම් ගැන විශේෂ අවධානය තිබිය යුතුයි. රෝගීන් රෝහලටත් ඔවුන් සමග සබඳතා ඇති අය නිරෝධායනයටත් යොමු කළ යුතුයි. ප්රධාන ප්රමුඛතාව වෛරසය සමාජගත වීම වළක්වා ගැනීම”, ජනාධිපතිවරයා සඳහන් කළේය.
ත්රිවිධ හමුදාවට අයත් සියලු කඳවුරු නිරීක්ෂණය කොට කඩිනමින් වාර්තාවක් සකසන්නැයි එතුමා විශේෂඥ කණ්ඩායමට පැවසීය. නිරෝධායන කාර්යයන්හි නිරත හමුදා නිලධාරීන්ගේ සෞඛ්යාරක්ෂාව සැලසීමට ප්රමුඛත්වය දිය යුතුය. කඳවුරු ඇතුළත සෞඛ්ය පහසුකම් ප්රවර්ධනය සඳහා අවශ්යතාව මත විශේෂඥ වෛද්ය කණ්ඩායම් සහාය කර ගන්නා ලෙස ද එතුමා උපදෙස් දුන්නේය.
රෝගය පාලනය කිරීමේ දී මෙතෙක් අත්කරගත් සාර්ථකත්වය සේම කිසියම් තැනක වරදක් සිදුවී ඇත්නම් එය ද හඳුනාගැනීමේ අවශ්යතාව ජනාධිපතිවරයා විසින් අවධාරණය කෙරිණ.
ජනාධිපති ලේකම් පී.බී. ජයසුන්දර, ජනාධිපති ප්රධාන උපදේශක ලලිත් වීරතුංග, හිටපු ගුවන් හමුදාපති, බස්නාහිර පළාත් ආණ්ඩුකාර මාර්ෂල් ඔෆ් ද එයා ෆෝස්, රොෂාන් ගුණතිලක, හිටපු නාවික හමුදාපති අද්මිරාල් (විශ්රාමික) ජයන්ත පෙරේරා, සිවිල් ආරක්ෂක දෙපාර්තමේන්තුවේ අධ්යක්ෂ ජෙනරාල් රියර් අද්මිරාල් (විශ්රාමික) ආනන්ද පීරිස්, මේජර් ජෙනරාල් සුමේධ පෙරේරා, විශේෂඥ වෛද්ය බන්දුල විජේසිරිවර්ධන, විශේෂඥ වෛද්ය වජිර සේනාරත්න යන මහත්වරු සාකච්ඡාවට එක්ව සිටියහ.
