ඉන්දියාවේ ව්යවස්ථාදායකයන් තුළ කාන්තාවන් සඳහා ආසන වෙන් කිරීමේ ක්රියාවලිය, එරට සංගණනය සහ සීමා නිර්ණ (Delimitation) ක්රියාවලියෙන් වෙන් කර වහාම ක්රියාත්මක කිරීමට අදාළ නව පනතක් හඳුන්වා දීමට එරට මධ්යම රජය පියවර ගනිමින් සිටී. අප්රේල් 2 වනදා වත්මන් පාර්ලිමේන්තු වාරය අවසන් වීමට ප්රථම මෙම සංශෝධනය ඉදිරිපත් කිරීමට නියමිත අතර, මේ සම්බන්ධයෙන් විපක්ෂයේ ද සහයෝගය ලබා ගැනීමට රජය දැනටමත් සාකච්ඡා ආරම්භ කර තිබේ.
මෙම නව සංශෝධනයට අනුව ඉන්දීය ලෝක් සභාවේ (Lok Sabha) මුළු ආසන සංඛ්යාව 543 සිට 816 දක්වා ඉහළ යාමට නියමිත අතර, ඉන් ආසන 273ක් කාන්තාවන් සඳහා වෙන් කෙරෙනු ඇත. මෙහි ඇති විශේෂත්වය වන්නේ එක් එක් ප්රාන්තය නියෝජනය කරන ප්රතිශතය නොවෙනස්ව පවත්වා ගැනීමයි. ඒ අනුව දැනට ආසන 80ක් හිමි උත්තර ප්රදේශයට නව ක්රමය යටතේ ආසන 120ක් ද, ආසන 39ක් හිමි තමිල්නාඩුවට ආසන 59ක් ද හිමිවනු ඇත.
මෙම පියවර මගින් දකුණු ඉන්දියානු ප්රාන්තවල පැවති විරෝධතාවලට ද යම් විසඳුමක් ලැබෙනු ඇතැයි අපේක්ෂා කෙරේ. මීට පෙර පැවති සැලසුම් අනුව ජනගහන පාලනය සාර්ථකව සිදුකළ දකුණු ඉන්දියානු ප්රාන්තවලට ආසන සංඛ්යාව අඩුවීමේ අවදානමක් පැවති අතර, නව සමානුපාතික නියෝජන ක්රමය හරහා එම ගැටලුව මඟහැරෙනු ඇත. 2029 ලෝක් සභා මැතිවරණයට ප්රථම මෙම කාන්තා කෝටාව ක්රියාත්මක කිරීම සඳහා අවශ්ය සීමා නිර්ණ කොමිසම එළඹෙන ජුනි මාසය වන විට පිහිටුවීමට ද රජය සැලසුම් කර තිබේ.
