පවතින යුදමය වාතාවරණය හමුවේ ඉරාන ජාතික සහ සමාජ මට්ටමේ ක්රීඩා කණ්ඩායම් “සතුරු” ලෙස සලකනු ලබන රටවල සංචාරය කිරීම තහනම් කිරීමට ඉරාන ක්රීඩා අමාත්යාංශය පියවර ගෙන තිබේ. පෙබරවාරි 28 වන දින ඇමරිකානු සහ ඊශ්රායල ප්රහාරත් සමඟ ආරම්භ වූ යුද්ධයට මාසයක් සපිරෙන මොහොතක, ක්රීඩකයින්ගේ ආරක්ෂාව තහවුරු කළ නොහැකි රටවල් සඳහා මෙම තහනම ක්රියාත්මක වන බව ඉරාන රජයේ රූපවාහිනිය වාර්තා කළේය.
මෙම තීරණය හේතුවෙන් ලබන මාසයේදී සෞදි අරාබියේ පැවැත්වීමට නියමිතව තිබූ ආසියානු ශූරයන්ගේ ලීග් පාපන්දු තරඟාවලියේ (Asian Champions League) ‘ට්රැක්ටර් එස්.සී’ (Tractor SC) සහ ඩුබායිහි ‘ෂබාබ් අල් අහ්ලි’ (Shabab Al Ahli) කණ්ඩායම් අතර තරඟය ද අවලංගු වීමේ තර්ජනයකට ලක්ව ඇත. ඉරාන ක්රීඩා අමාත්යාංශය අවධාරණය කරන්නේ අදාළ තරඟ වෙනත් ආරක්ෂිත ස්ථානයකට (Neutral Venue) මාරු කරන ලෙස ආසියානු පාපන්දු සම්මේලනයට (AFC) දැනුම් දිය යුතු බවයි.
ක්රීඩකයන්ගේ සහ කණ්ඩායම් සාමාජිකයන්ගේ ආරක්ෂාව සහතික කිරීමට අපොහොසත් වන ඕනෑම රටක සංචාරය කිරීම මින් ඉදිරියට නැවත දැනුම් දෙන තුරු තහනම් වේ. මෙම තත්ත්වය හේතුවෙන් ඉදිරියේදී පැවැත්වීමට නියමිත ජාත්යන්තර ක්රීඩා තරඟ රැසකට ඉරාන කණ්ඩායම් සහභාගී වීම අවිනිශ්චිත වී ඇති අතර, එය කලාපීය ක්රීඩා ක්ෂේත්රයට ද දැඩි බලපෑමක් එල්ල කරනු ඇතැයි විචාරකයෝ පවසති.
